കാസർകോട്: സ്കൂളിൽ നിന്ന് സ്മാർട്ട് ഫോണുകൾ കവർന്ന കേസിൽ യുവാവ് അറസ്റ്റിൽ. പെരിയ ആയമ്പാറയിലെ ഹബീബ് റഹ്മാനെയാണ് (27) വിദ്യാനഗർ സി.ഐ വി.വി. മനോജി‍െൻറ നേതൃത്വത്തിലുള്ള പൊലീസ് സംഘം പിടികൂടിയത്. കുട്ടികളുടെ ഓൺലൈൻ പഠനത്തിനായി പൂർവവിദ്യാർഥികൾ സ്കൂളിന് കൈമാറിയ മൊബൈൽ ഫോണുകൾ ചെർക്കള സെൻട്രൽ ഗവ.ഹയർസെക്കൻഡറി സ്കൂളിൽ നിന്ന് വാതിലി‍െൻറ പൂട്ട് തകർത്ത് കവർച്ച ചെയ്യുകയായിരുന്നു പ്രതി. കഴിഞ്ഞ ജൂലൈ മാസത്തിൽ ഏഴ് സ്മാർട്ട് ഫോണുകൾ കവർന്ന കേസിലാണ് പിടിയിലായത്. കവർന്ന ഫോണുകൾ മംഗളൂരുവിലെയും പരിസരങ്ങളിലെയും മൊബൈൽ ഫോൺ കടകളിലൂടെ വിൽപന നടത്തി. ഫോണുകളിൽ അഞ്ച് എണ്ണം പൊലീസ് കണ്ടെത്തി. കാസർകോട്, എറണാകുളം, കോഴിക്കോട് ജില്ലകളിലെ പൊലീസ് സ്റ്റേഷനുകളിലായി നിരവധി വീട് കവർച്ച കേസുകളിൽ പ്രതിയാണ് ഹബീബ് റഹ്മാനെന്ന് പൊലീസ് ഇൻസ്പെക്ടർ വി.വി. മനോജ് പറഞ്ഞു. വിദ്യാനഗർ എസ്.ഐ കെ. പ്രശാന്ത്, എ.എസ്.ഐ രഘുനാഥൻ, സിവിൽ പൊലീസ് ഓഫിസർമാരായ നിഷാന്ത്, സിയാദ്, സലാം തുടങ്ങിയവരും അന്വേഷണ സംഘത്തിലുണ്ടായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.