പൊലീസുകാരനെ തലക്കടിച്ചു പരിക്കേൽപിച്ച കേസിൽ കഠിനതടവും പിഴയും​

കാസർകോട്​: കാഞ്ഞങ്ങാട്​ റെയിൽവേ സ്​റ്റേഷനിലെ എയ്​ഡ്​പോസ്​റ്റിൽ ഡ്യൂട്ടിയിലുണ്ടായിരുന്ന പൊലീസുകാര​നെ തലക്കടിച്ച്​ പരിക്കേൽപിച്ച കേസിൽ പ്രതിക്ക്​ അഞ്ചുവർഷം കഠിന തടവും പിഴയും. ഒഡിഷ സ്വദേശിയായ സഫേദ്​കുമാർ പ്രധാനിനെയാണ്​​ (32) കാസർകോട്​ അഡീഷനൽ ജില്ല കോടതി (മൂന്ന്​) ശിക്ഷിച്ചത്​. 10,500 രൂപ പിഴയും അടക്കണം.

2018 ജൂൺ 20ന്​ ​ഡ്യൂട്ടിയിലുണ്ടായിരുന്ന സിവിൽ പൊലീസ്​ ഓഫിസർ ബിനീഷിനെയാണ്​ മരവടി കൊണ്ട്​ പരിക്കേൽപിച്ചത്​. പ്രതിയെക്കുറിച്ച്​ തമിഴ്​ നാടോടി സ്​ത്രീ പൊലീസിൽ പരാതി പറഞ്ഞിരുന്നു. ഇതന്വേഷിക്കാൻ ചെന്നപ്പോഴാണ്​ പ്രതിയുടെ പരാക്രമണം. ഓടിരക്ഷപ്പെടാൻ ശ്രമിച്ച പ്രതിയെ നാട്ടുകാരും ഓ​ട്ടോറിക്ഷ ഡ്രൈവർമാരും ചേർന്ന്​ പിടികൂടി പൊലീസിൽ ഏൽപിക്കുകയായിരുന്നു.