Posted On
date_range Updated On
date_range 14കാരിക്ക് നേരെ ലൈംഗികാതിക്രമം: പ്രതിക്ക് മൂന്നുവർഷം തടവും പിഴയും
കാഞ്ഞങ്ങാട്: പ്രായപൂർത്തിയാകാത്ത പെൺകുട്ടിയെ ലൈംഗികമായി ഉപദ്രവിച്ച കേസിലെ പ്രതിക്ക് മൂന്നുവർഷം തടവും 15,000 രൂപ പിഴയും. പിഴ അടച്ചില്ലെങ്കിൽ രണ്ടുമാസം അധികതടവിനും ശിക്ഷ വിധിച്ചു. മാലോം ചുള്ളി സ്വദേശി കുബ്ളിങ്ങൽ പ്രിൻസ് സിറിയക്കി(47)യാണ് ശിക്ഷിച്ചത്. ട്യൂഷൻ കഴിഞ്ഞ് വീട്ടിലേക്ക് മടങ്ങുകയായിരുന്ന പെൺകുട്ടിയുടെ സുഹൃത്തിന്റെ അച്ഛൻ ഓടിച്ച കാറിൽ പിൻസീറ്റിൽ ഇരിക്കുകയായിരുന്ന പ്രതി, തൊട്ടടുത്ത് ഇരിക്കുകയായിരുന്ന 14കാരിയെ ലൈംഗിക അതിക്രമം നടത്തുകയായിരുന്നു.
ഹോസ്ദുർഗ് സ്പെഷൽ കോടതി ജഡ്ജ് പി.എം. സുരേഷ് ആണ് ശിക്ഷ വിധിച്ചത്. ഹോസ്ദുർഗ് പൊലീസ് രജിസ്റ്റർ ചെയ്ത കേസിൽ അന്വേഷണം നടത്തി കോടതിയിൽ കുറ്റപത്രം സമർപ്പിച്ചത് എസ്.ഐ. സുമേഷ് ബാബുവാണ്. പ്രൊസിക്യൂഷനുവേണ്ടി സ്പെഷൽ പ്രൊസിക്യൂട്ടർ എ. ഗംഗാധരൻ ഹാജരായി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.