ശിഹാബുദ്ദീൻ
മഞ്ചേശ്വരം: തലപ്പാടിയില്‍ 27 ലക്ഷം രൂപയുടെ കുഴല്‍പണം പൊലീസ് പിടികൂടി. ആഡംബര കാറില്‍ കുടുംബത്തോടൊപ്പം പണം കൊണ്ടുവരുകയായിരുന്ന കുമ്പഡാജെ സ്വദേശി ശിഹാബുദ്ദീനിൽ(28) നിന്നാണ് പൊലീസ് പണം പിടികൂടിയത്. ജില്ല പൊലീസ് മേധാവിക്ക് ലഭിച്ച രഹസ്യവിവരത്തെ തുടര്‍ന്ന് കാസര്‍കോട് ഡിവൈ എസ്.പി പി. ബാലകൃഷ്ണന്‍ നായരുടെയും മഞ്ചേശ്വരം ഇന്‍സ്പെക്ടര്‍ സന്തോഷ് കുമാറിെൻറയും നേതൃത്വത്തില്‍ നടന്ന പരിശോധനയിലാണ് കുഴല്‍ പണം പിടികൂടിയത്.
27.46 ലക്ഷം രൂപയാണ് കാറില്‍നിന്നും പിടികൂടിയത്. സംശയം തോന്നാതിരിക്കാന്‍ ഇയാള്‍ ഭാര്യയെ ഒപ്പം കൂട്ടിയാണ് ആഡംബര വാഹനത്തില്‍ പണം കടത്തിയിരുന്നതെന്ന് പൊലീസ് പറഞ്ഞു. പരിശോധനയില്‍ ഡിവൈ.എസ്.പിക്കൊപ്പം സ്‌ക്വാഡ് അംഗങ്ങളും ഹൈവേ പൊലീസും ഉണ്ടായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.