പിടികൂടിയ കഞ്ചാവ്
കാസർകോട്: ആദൂരിൽ കാറിൽ കടത്തുകയായിരുന്ന 128 കിലോ കഞ്ചാവ് ആന്റി നാർക്കോട്ടിക്ക് ടീമും ആദൂർ പൊലീസും ചേർന്ന് പിടികൂടി. കാസർകോട് വിദ്യാനഗറിൽ താമസിക്കുന്ന സുബെർ അബ്ബാസിനെ അറസ്റ്റ് ചെയ്തു. ആന്ധ്രപ്രദേശിൽ നിന്നാണ് ഇയാൾ കഞ്ചാവ് എത്തിച്ചത്.
കഴിഞ്ഞദിവസം കാസർകോട്ട് വാഹനത്തിൽ കടത്തിയ 114 കിലോ കഞ്ചാവ് പിടികൂടിയിരുന്നു. കാസർകോട് എക്സൈസ് സ്പെഷൽ സ്ക്വാഡ് സർക്കിൾ ഇൻസ്പെക്ടർ ജോയ് ജോസഫും സംഘവും ചേർന്ന് നടത്തിയ വാഹന പരിശോധനക്കിടെ നിർത്താതെ പോയ കാർ പിന്തുടർന്ന് പിടികൂടുകയായിരുന്നു. സംഭവത്തിൽ കാസർകോട് ചെട്ടുംകുഴി സ്വദേശി അജ്മലിനെതിരെ കേസെടുത്തിരുന്നു.
സംഘത്തിൽ പ്രിവന്റീവ് ഓഫിസർമാരായ ഇ.കെ. ബിജോയ്, എം.വി. സുധീന്ദ്രൻ, സിവിൽ എക്സൈസ് ഓഫിസർമാരായ മോഹനകുമാർ, ശൈലേഷ്, മഞ്ചുനാഥ്, ഡ്രൈവർ ദിജിത്ത് എന്നിവരുമുണ്ടായിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.