കാഞ്ഞങ്ങാട്: കോവിഡ് കാലത്ത് മികച്ച പ്രവർത്തനം നടത്തിയ യൂത്ത് ക്ലബിന് പുല്ലൂർ-പെരിയ പഞ്ചായത്ത് ഏർപ്പെടുത്തിയ രാജീവ് ഗാന്ധി യൂത്ത് അവാർഡിന് പെരിയാസ് പെരിയ അർഹരായി. 10,000 രൂപയും ഫലകവും പ്രശസ്തിപത്രവും അടങ്ങുന്നതാണ് അവാർഡ്. ചെക്യാർപ്പ് ബ്രദേഴ്സ്, അമ്പലത്തറ സർഗവേദി എന്നീ ക്ലബുകൾ രണ്ടാംസ്ഥാനം നേടി. 30ന് വൈകീട്ട് 4.30ന് പെരിയ എസ്.എൻ കോളജിൽ നടക്കുന്ന യൂത്ത് കാർണിവൽ പരിപാടി സി.എച്ച്. കുഞ്ഞമ്പു എം.എൽ.എ ഉദ്ഘാടനം ചെയ്യും. കേന്ദ്ര സർവകലാശാല വൈസ്ചാൻസലർ പ്രഫ. എച്ച്. വെങ്കിടേശ്വർലു പുരസ്കാരം സമ്മാനിക്കും. വാർത്തസമ്മേളനത്തിൽ പഞ്ചായത്ത് പ്രസിഡന്റ് സി.കെ. അരവിന്ദാക്ഷൻ, പഞ്ചായത്തംഗം ആർ. രതീഷ്, ഇ.വി. അശോകൻ, എൻ. പ്രകാശൻ എന്നിവർ സംബന്ധിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.