ചെറുവത്തൂർ: ഒരുദിനം രണ്ടുരൂപ നാടൊന്നാകെ ചേർത്തുവെക്കും, നാടിന്റെ പ്രിയ വിദ്യാലയത്തിൽ ഒരുമയുടെ സ്നേഹസദ്യ വിളമ്പാൻ. പിലിക്കോട് വയൽ ഗവ. വെൽഫയർ എൽ.പി സ്കൂൾ ശതാബ്ദി ആഘോഷത്തിന്റെ ഭാഗമായാണ് നാട്ടിലെല്ലാവരുടെയും പങ്കാളിത്തത്തോടെ സ്നേഹ സദ്യ ഒരുക്കുന്നത്. മാർച്ച് മുതൽ ഡിസംബർ വരെ നീണ്ടുനിൽക്കുന്നതാണ് ശതാബ്ദി ആഘോഷ പരിപാടികൾ. ആഘോഷത്തിന്റെ സമാപനത്തിന്റെ ഭാഗമായാണ് ആയിരങ്ങൾക്ക് അക്ഷരമുറ്റത്ത് സദ്യ വിളമ്പുക. ഒരുദിനം രണ്ടു രൂപ നിരക്കിൽ ഒരു വീട്ടിൽ നിന്ന് പ്രതിമാസം 60 രൂപയാണ് സമാഹരിക്കുക. പൂർവ വിദ്യാർഥികളും നാട്ടുകാരും വളരെ ആവേശത്തോടെ പദ്ധതി ഏറ്റെടുത്തു കഴിഞ്ഞു. ഭണ്ഡാര വിതരണത്തിന്റെ ഉദ്ഘാടനം നാരായണൻ വെളിച്ചപ്പാടിന് നൽകി പഞ്ചായത്ത് വൈസ് പ്രസിഡൻറ് എ. കൃഷ്ണൻ നിർവഹിച്ചു. പടം..ഭണ്ഡാര വിതരണത്തിന്റെ ഉദ്ഘാടനം നാരായണൻ വെളിച്ചപ്പാടിന് നൽകി പഞ്ചായത്ത് വൈസ് പ്രസിഡൻറ് എ. കൃഷ്ണൻ നിർവഹിക്കുന്നു
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.