കരുവന്നൂർ വെട്ടിപ്പ്​ ക്ലർക്കും കാഷ്യറും ചേർന്ന്​ നടത്തിയതാണെന്ന്​ വിശ്വസിക്കുന്നില്ല -ഉമ്മൻ ചാണ്ടി

ചാലക്കുടി: കരുവന്നൂർ സഹകരണ ബാങ്കിൽ നടന്ന വെട്ടിപ്പ് ഒരു ക്ലാർക്കും കാഷ്യറും കൂടിച്ചേർന്ന്​ നടത്തിയതാണെന്ന് വിശ്വസിക്കാനാവില്ലെന്ന് മുൻ മുഖ്യമന്ത്രി ഉമ്മൻ ‌ചാണ്ടി. കോടികളുടെ വെട്ടിപ്പ് നടത്തിയവരെ നിയമത്തിന്​ മുന്നിൽ കൊണ്ടുവരണമെന്നും അദ്ദേഹം ആവശ്യപ്പെട്ടു.

സാധാരണക്കാര​െൻറ നിക്ഷേപത്തിൽനിന്നാണ്​​ കോടികൾ വെട്ടിച്ചത്​. സഹകരണ മേഖലയുടെ വിശ്വാസ്യത കരുവന്നൂർ വെട്ടിപ്പിലൂടെ നഷ്​ട​പ്പെട്ടുവെന്നും അദ്ദേഹം മാധ്യമ പ്രവർത്തകരോട്​ പറഞ്ഞു.

ബെന്നി ബഹനാൻ എം.പി, ടി.ജെ. സനീഷ് കുമാർ ജോസഫ് എം.എൽ.എ, കെ.പി.സി.സി സെക്രട്ടറി ജോൺ ഡാനിയൽ തുടങ്ങിയവരും അദ്ദേഹത്തോടൊപ്പം ഉണ്ടായിരുന്നു.