കോഴിക്കോട്: വനിതദിനത്തോടനുബന്ധിച്ച് ജമാഅത്തെ ഇസ്ലാമി വനിത വിഭാഗത്തിന്റെ നേതൃത്വത്തിൽ 'കരുത്തേകാം കരുതലേകാം' പദ്ധതി പ്രഖ്യാപന ചടങ്ങ് ഉദ്ഘാടനം എന്റർപ്രണര്ഷിപ് ഡെവലപ്മെന്റ് സൊസൈറ്റി പ്രസിഡന്റ് പി. ജാനകി നിർവഹിച്ചു.
ജമാഅത്തെ ഇസ്ലാമി വനിത വിഭാഗം സംസ്ഥാന പ്രസിഡന്റ് പി.വി. റഹ്മാബി അധ്യക്ഷത വഹിച്ചു. വീടുകളുടെ പ്രഖ്യാപനം പി.വി. റഹ്മാബി പി. ജാനകിക്ക് ചെക്ക് നൽകി നിർവഹിച്ചു. തൊഴിൽ പദ്ധതികളുടെ പ്രഖ്യാപനം പീപ്ൾ ഫൗണ്ടേഷൻ വൈസ് ചെയർപേഴ്സൺ സഫിയ അലി സാമൂഹിക പ്രവർത്തക മണിക്കുട്ടി എസ്. പിള്ളക്ക് ചെക്ക് നൽകി നിർവഹിച്ചു. മണിക്കുട്ടി എസ്. പിള്ള, വി.എം.വി. ഓർഫനേജ് മാനേജർ റുഖിയ റഹീം എന്നിവരെ ജമാഅത്തെ ഇസ്ലാമി വനിത വിഭാഗം സംസ്ഥാന സെക്രട്ടറിമാരായ ആർ.സി. സാബിറ, കെ.ടി. നസീമ എന്നിവർ ആദരിച്ചു.
ജി.ഐ.ഒ സംസ്ഥാന സെക്രട്ടറി ആശിഖ ഷിറിൻ, 'വിങ്സ്' സംസ്ഥാന ട്രഷറർ സറീന, മെസേജ് ചാരിറ്റബിൾ ട്രസ്റ്റ് ജനറൽ സെക്രട്ടറി വഹീദ അബ്ദുൽ അസീസ് എന്നിവർ സംസാരിച്ചു. ജമാഅത്തെ ഇസ്ലാമി വനിത വിഭാഗം ജനറൽ സെക്രട്ടറി പി. റുക്സാന സ്വാഗതവും സംസ്ഥാന ജനസേവന കോർഡിനേറ്റർ പി. ലൈല നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.