തിരുവനന്തപുരം: ആകാശ് തില്ലങ്കേരിയും അർജുൻ ആയങ്കിയും റോൾ മോഡലാക്കുന്നത് പിണറായി വിജയനെയാണെന്ന് കെ.പി.സി.സി പ്രസിഡന്‍റ് കെ. സുധാകരൻ. പ്രോട്ടോകോൾ ലംഘിച്ച് മുഖ്യമന്ത്രി പിണറായി വിജയൻ യു.എ.ഇ കോൺസുൽ ജനറലുമായി കൂടികാഴ്ച നടത്തിയെന്നും സുധാകരൻ ആരോപിച്ചു. ശിവശങ്കറിേന്‍റയും സ്വപ്ന സുരേഷിന്‍റെയും സാന്നിധ്യത്തിലായിരുന്നു കൂടിക്കാഴ്ച. എന്തിനാണ് കൂടിക്കാഴ്ച നടത്തിയതെന്ന് മുഖ്യമന്ത്രി വ്യക്തമാക്കണം. .
ടി.പി വധക്കേസ് പ്രതികൾ ഇപ്പോഴും സി.പി.എമ്മിന്‍റെ ഭാഗമാണ്. കണ്ണൂർ സെൻട്രൽ ജയിലിലെ ജയിൽ സൂപ്രണ്ട് കൊടി സുനിയാണ്. ഈ പ്രതികളെ പുറത്താക്കിയാൽ സി.പി.എം 'ക്ഷ' വരക്കേണ്ടി വരും. ആകാശ് തില്ലങ്കേരിയുടെ വെല്ലുവിളി ഏറ്റെടുക്കാൻ സി.പി.എമ്മിന് ധൈര്യമില്ലെന്നും സുധാകരൻ പറഞ്ഞു. പിണറായി വിജയൻ ഹിപ്പോക്രിറ്റ് കമ്യൂണിസ്റ്റാണെന്നും അദ്ദേഹം കൂട്ടിച്ചേർത്തു.
കോവിഡ് ബാധിച്ച് മരിച്ചവരുടെ കുടുംബാംഗങ്ങൾക്ക് നഷ്ടപരിഹാരം നൽകാനുള്ള തീരുമാനം സ്വാഗതം ചെയ്യുകയാണ്. കോവിഡാനന്തര മരണങ്ങളും കോവിഡ് മരണങ്ങളായി പരിഗണിക്കണമെന്നും കെ.സുധാകരൻ ആവശ്യപ്പെട്ടു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.