ദേശീയപാത വികസനം: 'ഭൂമി ഏറ്റെടുക്കുന്നത് ആരാധനാലയങ്ങളെ ബാധിച്ചാൽ ദൈവം പൊറുക്കും'

കൊച്ചി: വീടുകൾക്കും ആരാധനാലയങ്ങൾക്കും വേണ്ടി ദേശീയപാത അലൈൻമെൻറ് മാറ്റാനാവില്ലെന്ന് ഹൈകോടതി. ദേശീയപാതയുടെ വികസനത്തിന്​ വേണ്ടി ഭൂമി ഏറ്റെടുക്കുന്നത് ആരാധനാലയങ്ങളെ ബാധിച്ചാൽ അത്​ ദൈവം പൊറുത്തുകൊള്ളും. രാജ്യത്തി​െൻറ ആകെ പുരോഗതിക്കുവേണ്ടി ശ്രമം നടക്കുമ്പോൾ പള്ളിയു​െടയും അമ്പലത്തി​​െൻറയും വളവി​​െൻറയും സ്​കൂളി​​െൻറയും മറ്റും പേരുപറഞ്ഞ്​ കോടതി ഇടപെട്ടാൽ ദേശീയപാത വികസനത്തിനുള്ള​ സ്ഥലമെടുപ്പ്​ പൂർത്തിയാക്കാനാകില്ലെന്നും ജസ്​റ്റിസ് പി.വി. കുഞ്ഞികൃഷ്ണൻ വ്യക്തമാക്കി.

1956ലെ ദേശീയപാത നിയമത്തിൽ ആരാധനാലയങ്ങളെ ഒഴിവാക്കണമെന്ന്​ പറയുന്നുണ്ടെങ്കിലും അത്​ അഭ്യർഥന മാത്രമാണ്. സാധ്യമെങ്കിൽ ഒഴിവാക്കണമെന്നാണ്​ പറയുന്നത്​.ദേശീയപാത വികസനത്തിന്​ ഭൂമി ഏറ്റെടുക്കുന്നതും തെറ്റായ അ​ൈ​ലൻമെൻറും ചോദ്യം ചെയ്​ത്​ കൊല്ലം ഉമയനല്ലൂർ സ്വദേശികളായ ബാലകൃഷ്ണപിള്ള, എം. ലളിതകുമാരി, എം. ശ്രീലത തുടങ്ങിയവർ നൽകിയ ഹരജി തള്ളിയാണ്​ ഉത്തരവ്​.

നിലവിലെ അലൈൻമെൻറ്​ പ്രകാരം ഭൂമി ഏറ്റെടുത്താൽ രണ്ട് മുസ്​ലിം പള്ളിയും രണ്ട് ക്ഷേത്രവും അടക്കം നഷ്​ടമാകുമെന്നായിരുന്നു ഹരജിക്കാരുടെ വാദം. എന്നാൽ, 'മണ്ണിലും വിണ്ണിലും തൂണിലും തുരുമ്പിലും ദൈവമിരിക്കുന്നു, അവൻ കരുണാമയനായി കാവൽവിളക്കായ് കരളിലിരിക്കുന്നു' എന്ന ശ്രീകുമാരൻ തമ്പിയുടെ ഗാനശകലങ്ങൾ ഉദ്ധരിച്ചാണ്​ ഉത്തരവിലൂടെ കോടതി മറുപടി നൽകിയത്​. ഹരജിക്കാ​െരയും ഭൂമി ഏറ്റെടുക്കുന്ന അധികൃത​െരയും വിധി എഴുതുന്ന ജഡ്ജി​െയയും ദൈവം സംരക്ഷിച്ചുകൊള്ളും. ദൈവം എപ്പോഴും നമ്മുടെയൊപ്പം ഉണ്ടാകുമെന്നും ഉത്തരവിൽ പറയുന്നു.

സാമ്പത്തികനില മെച്ചപ്പെടുത്താൻ അടിസ്ഥാന സൗകര്യം വർധിപ്പിക്കേണ്ടതുണ്ടെന്നും ആവശ്യത്തിന് വീതിയുള്ള നേർരേഖയിലുള്ള ദേശീയപാത അനിവാര്യമാണെന്നും കോടതി ചൂണ്ടിക്കാട്ടി. പതിറ്റാണ്ടുകളായി താമസിക്കുന്ന ഭൂമിയിൽനിന്ന് ഒഴിയേണ്ടിവരുന്നത് ഏറെ ബുദ്ധിമുട്ടുണ്ടാക്കുന്ന കാര്യമാണ്​. എന്നാൽ, രാജ്യവികസനത്തിനുവേണ്ടി ചെറിയ ബുദ്ധിമുട്ടുകൾ അവഗണിക്കണം. 2013ലെ ഭൂമി ഏറ്റെടുക്കൽ നഷ്​ടപരിഹാര നിയമം ഭൂമി നഷ്​ടപ്പെടുന്നവരുടെ അവകാശങ്ങൾ ഒരുപരിധിവരെ സംരക്ഷിക്കുന്നതാണെന്നും കോടതി വ്യക്തമാക്കി.

റോഡി​െൻറ ഒരുവശത്ത്​ മാത്രമാണ് ഭൂമി ഏറ്റെടുക്കുന്നതെ​ന്നും സംസ്ഥാന സർക്കാർ നിർദേശം മറികടന്നാണ് ദേശീയപാത അതോറിറ്റി ഭൂമി ഏറ്റെടുക്കലുമായി മുന്നോട്ട്​ പോകുന്നതെന്നുമായിരുന്നു മറ്റൊരു ആരോപണം. എന്നാൽ, ദേശീയപാത വികസനവുമായി ബന്ധപ്പെട്ട് തീരുമാനം എടുക്കേണ്ടത് ദേശീയപാത അതോറിറ്റിയാണെന്ന് സുപ്രീം കോടതി ഉത്തരവുള്ളതായി കോടതി ചൂണ്ടിക്കാട്ടി. നിയമ ലംഘനമടക്കം കാര്യങ്ങൾ ​ഉണ്ടായിട്ടുണ്ടെന്ന്​ ബോധ്യപ്പെട്ടാലേ ഭൂമി ഏറ്റെടുക്കൽ വിഷയത്തിൽ കോടതിക്ക്​ ഇടപെടാനാകൂവെന്നും ഉത്തരവിൽ പറയുന്നു.