രാജ്ഭവൻ രാഷ്ട്രീയനിയമനങ്ങൾ നടത്തിയെന്ന് തെളിയിച്ചാൽ രാജിവെക്കും; വെല്ലുവിളിച്ച് ഗവർണർ

ന്യൂ​ഡ​ൽ​ഹി: മു​ഖ്യ​മ​ന്ത്രി പി​ണ​റാ​യി വി​ജ​യ​ന്‍റെ ഓ​ഫി​സ്​ വ​ഴി​വി​ട്ട്​ പ്ര​വ​ർ​ത്തി​ച്ചി​ട്ടു​ണ്ടെ​ന്നു ക​ണ്ടാ​ൽ ഇ​ട​പെ​ടു​മെ​ന്ന്​ കേ​ര​ള ഗ​വ​ർ​ണ​ർ ആ​രി​ഫ്​ മു​ഹ​മ്മ​ദ്​​ഖാ​ൻ. സ്വ​ർ​ണ​ക്ക​ട​ത്തി​ൽ മു​ഖ്യ​മ​ന്ത്രി​യു​ടെ ഓ​ഫി​സോ, മു​ഖ്യ​മ​ന്ത്രി​യു​മാ​യി അ​ടു​ത്ത ആ​ളു​ക​ളോ ഉ​ൾ​പ്പെ​ട്ടി​ട്ടു​ണ്ടെ​ങ്കി​ൽ തീ​ർ​ച്ച​യാ​യും ഇ​ട​പെ​ടാ​ൻ ത​നി​ക്ക്​ ക​ഴി​യും. സ​ർ​വ​ക​ലാ​ശാ​ല​ക​ളി​ൽ യോ​ഗ്യ​ത​യി​ല്ലാ​ത്ത​വ​രെ​യും സ്വ​ന്ത​ക്കാ​രെ​യും നി​യ​മി​ച്ചി​ട്ടു​ണ്ടെ​ങ്കി​ൽ അ​തി​ൽ ഇ​ട​പെ​ടാ​നും മ​ടി​ക്കി​ല്ല. എ​ന്നാ​ൽ, ഇ​ട​പെ​ട​ൽ എ​ങ്ങ​നെ​യാ​ണെ​ന്ന്​ ഗ​വ​ർ​ണ​ർ വി​ശ​ദീ​ക​രി​ച്ചി​ല്ല.

ഇ​ട​തു​മു​ന്ന​ണി സം​ഘ​ടി​പ്പി​ച്ച യോ​ഗ​ത്തി​ൽ മു​ഖ്യ​മ​ന്ത്രി പി​ണ​റാ​യി വി​ജ​യ​ൻ ന​ട​ത്തി​യ വി​മ​ർ​ശ​ന​ങ്ങ​ളെ​ക്കു​റി​ച്ച്​ മാ​ധ്യ​മ​ങ്ങ​ളോ​ട്​ പ്ര​തി​ക​രി​ക്കു​ക​യാ​യി​രു​ന്നു ഗ​വ​ർ​ണ​ർ. നി​യ​മ​വി​രു​ദ്ധ ന​ട​പ​ടി​ക​ളി​ൽ മു​ഖ്യ​മ​ന്ത്രി​യു​ടെ ഓ​ഫി​സി​ന്​ ബ​ന്ധം വ​രു​ന്ന​ത്​ എ​ന്തു​കൊ​ണ്ടാ​ണെ​ന്ന്​ ആ​രി​ഫ്​ മു​ഹ​മ്മ​ദ്​ ഖാ​ൻ ചോ​ദി​ച്ചു. സ്വ​ർ​ണ​ക്ക​ട​ത്തി​ന്​ മു​ഖ്യ​മ​ന്ത്രി​യു​ടെ ഓ​ഫി​സ്​ ഒ​ത്താ​ശ ചെ​യ്​​തെ​ന്ന പു​സ്ത​കം ത​ന്നെ ഇ​റ​ങ്ങി​യി​ട്ടു​ണ്ട്. എ​ന്നാ​ൽ, സ്വ​ത​ന്ത്ര​മാ​യ അ​ന്വേ​ഷ​ണ​ത്തി​ന്​ ഉ​ദ്യോ​ഗ​സ്ഥ​രെ അ​നു​വ​ദി​ക്കു​ന്നി​ല്ല. മു​ഖ്യ​മ​ന്ത്രി​യു​ടെ ഓ​ഫി​സി​ലു​ള്ള​വ​രു​ടെ ബ​ന്ധു​വി​ന്​ ക​ണ്ണൂ​ർ സ​ർ​വ​ക​ലാ​ശാ​ല​യി​ൽ വ​ഴി​വി​ട്ട്​ നി​യ​മ​നം ന​ൽ​കി. ഇ​ത്ത​ര​ത്തി​ൽ പ്ര​വ​ർ​ത്തി​ച്ചാ​ൽ നി​യ​മ​വാ​ഴ്ച ഉ​റ​പ്പാ​ക്കു​ക​യാ​ണ്​ ഗ​വ​ർ​ണ​റു​ടെ ക​ർ​ത്ത​വ്യം. മ​റി​ച്ച്, ഭ​ര​ണാ​ധി​കാ​രി​യു​ടെ നി​യ​മം ന​ട​പ്പാ​ക്കു​ക​യ​ല്ല.

രാ​ജ്​​ഭ​വ​ൻ ഇ​ട​പെ​ട്ട്​ ഒ​രു രാ​ഷ്ട്രീ​യ നി​യ​മ​നം പോ​ലും ന​ട​ത്തി​യി​ട്ടി​ല്ല. അ​നാ​വ​ശ്യ നി​യ​മ​ന​ങ്ങ​ൾ ന​ട​ത്തി​യ​താ​യി തെ​ളി​യി​ച്ചാ​ൽ രാ​ജി​വെ​ക്കാം. തെ​ളി​യി​ക്കാ​ൻ ക​ഴി​ഞ്ഞി​ല്ലെ​ങ്കി​ൽ മു​ഖ്യ​മ​ന്ത്രി രാ​ജി​വെ​ക്കു​മോ? സ്വ​ർ​ണ​ക്ക​ട​ത്ത്​ കേ​സി​ലെ മു​ഖ്യ​പ്ര​തി സ്വ​പ്ന സു​രേ​ഷി​നെ​ക്കു​റി​ച്ചും ഗ​വ​ർ​ണ​ർ പ​രാ​മ​ർ​ശി​ച്ചു. ആ ​വ​നി​ത​ക്ക്​ ജോ​ലി ല​ഭി​ച്ച​ത്​ എ​ങ്ങ​നെ​യാ​ണ്​? അ​വ​ർ മു​ഖ്യ​മ​ന്ത്രി​യു​ടെ ഓ​ഫി​സി​ൽ പോ​യി​ട്ടി​ല്ലേ? മു​ഖ്യ​മ​​ന്ത്രി​യു​ടെ മു​ൻ പ്രി​ൻ​സി​പ്പ​ൽ സെ​ക്ര​ട്ട​റി രാ​ജി​വെ​ക്കാ​ൻ കാ​ര​ണം എ​ന്താ​ണ്​? ഇ​ക്കാ​ര്യ​ങ്ങ​ളെ​ല്ലാം ജ​ന​ങ്ങ​ൾ ച​ർ​ച്ച​ചെ​യ്യു​ന്നു​ണ്ട്.

ധ​ന​മ​ന്ത്രി കെ.​എ​ൻ. ബാ​ല​ഗോ​പാ​ലി​ന്‍റെ കാ​ര്യ​ത്തി​ൽ പ്രീ​തി ന​ഷ്ട​മാ​യെ​ന്നു​ മു​ഖ്യ​മ​ന്ത്രി​ക്ക്​ ക​ത്ത​യ​ച്ച​ത്​ ഭ​ര​ണ​ഘ​ട​നാ​പ​ര​മാ​ണ്. പ്രാ​ദേ​ശി​ക​വാ​ദ​ത്തി​ന്​ തീ ​കൊ​ളു​ത്തി ദേ​ശീ​യ ഐ​ക്യ​ത്തി​ന്​ വെ​ല്ലു​വി​ളി ഉ​യ​ർ​ത്താ​നാ​ണ്​ മ​ന്ത്രി ശ്ര​മി​ച്ച​ത്. അ​ത്​ അ​പ​ക​ട​ക​ര​മാ​യ സാ​ഹ​ച​ര്യ​മാ​ണ്. ത​നി​ക്കെ​തി​രെ സി.​പി.​എം നീ​ങ്ങാ​ൻ ഉ​റ​ച്ചെ​ങ്കി​ലും പാ​ർ​ട്ടി​യു​ടെ ദേ​ശീ​യ​നേ​തൃ​ത്വം ആ ​വി​ഷ​യം ഏ​റ്റെ​ടു​ക്കാ​ൻ മ​ടി​ക്കു​ക​യാ​ണ്​ ചെ​യ്ത​തെ​ന്നും ഗ​വ​ർ​ണ​ർ നി​രീ​ക്ഷി​ച്ചു.

രാജ്​ഭവനിലെ നിയമന കണക്കുകൾ കൈയിലുണ്ട്​; ഗവർണറെ വെല്ലുവിളിച്ച്​ എൽ.ഡി.എഫ്​

നേതാക്കൾ

തി​രു​വ​ന​ന്ത​പു​രം: ഗ​വ​ർ​ണ​റു​ടെ വെ​ല്ലു​വി​ളി​ക്ക്​ അ​തേ​നാ​ണ​യ​ത്തി​ൽ തി​രി​ച്ച​ടി​ച്ച്​ എ​ൽ.​ഡി.​എ​ഫ്​ നേ​താ​ക്ക​ളും. സി.​പി.​എം സം​സ്ഥാ​ന സെ​ക്ര​ട്ട​റി എം.​വി. ഗോ​വി​ന്ദ​നും സി.​പി.​ഐ സം​സ്ഥാ​ന സെ​ക്ര​ട്ട​റി കാ​നം രാ​​ജേ​ന്ദ്ര​നും രൂ​ക്ഷ​മാ​യ പ്ര​തി​ക​ര​ണ​മാ​ണ്​ ന​ട​ത്തി​യ​ത്.

ത​രം​താ​ഴ്ന്ന നി​ല​യി​ലാ​ണ്​ ഗ​വ​ർ​ണ​റു​ടെ പ്ര​തി​ക​ര​ണ​മെ​ന്ന്​ എം.​വി. ഗോ​വി​ന്ദ​ൻ പ​റ​ഞ്ഞു. ഗ​വ​ർ​ണ​ർ ഭ​ര​ണ​ഘ​ട​ന​വി​രു​ദ്ധ നി​ല​പാ​ട് സ്വീ​ക​രി​ക്കു​ക​യാ​ണ്. പ്ര​തി​പ​ക്ഷ​ത്തി​ന്‍റെ നി​ല​വാ​രം പോ​ലും ഇ​ല്ലാ​ത്ത പ്ര​തി​ക​ര​ണ​മാ​ണ്​ അ​​ദ്ദേ​ഹ​ത്തി​ൽ​നി​ന്നു​ണ്ടാ​കു​ന്ന​ത്.

രാ​ജ്​​ഭ​വ​നി​ലെ നി​യ​മ​ന​വു​മാ​യി ബ​ന്ധ​പ്പെ​ട്ട് കൃ​ത്യ​മാ​യ ക​ണ​ക്കു​ക​ൾ കൈ​യി​ലു​ണ്ട്. ആ​ർ.​എ​സ്.​എ​സി​ന്‍റെ അ​ജ​ണ്ട കേ​ര​ള​ത്തി​ൽ ന​ട​പ്പാ​ക്കാ​നാ​ണ്​ ഗ​വ​ർ​ണ​ർ ശ്ര​മി​ക്കു​ന്നു​ന്ന​ത്. സി.​പി.​എം എ​ന്താ​ണെ​ന്നോ കേ​ര​ളം എ​ന്താ​ണെ​ന്നോ ധാ​ര​ണ ഗ​വ​ർ​ണ​ർ​ക്കി​ല്ല. അ​ക്കാ​ദ​മി​ക് രം​ഗ​ത്ത് അ​ഗ്ര​ഗ​ണ്യ​രാ​യ​വ​രെ​യാ​ണ്​ വി.​സി​മാ​രാ​യി നി​യ​മി​ച്ച​ത്. ആ​ർ.​എ​സ്.​എ​സ് ആ​യാ​ൽ എ​ന്താ​ണ്​ കു​ഴ​പ്പ​മെ​ന്ന്​ ചോ​ദി​ച്ച വ്യ​ക്തി ത​ന്നെ​യാ​ണ് ഇ​പ്പോ​ൾ തി​രി​ച്ചു​പ​റ​യു​ന്ന​ത്. ഭ​ര​ണ​ഘ​ട​ന​പ​ര​മ​ല്ലാ​ത്ത എ​ല്ലാ​ത്തി​നെ​യും എ​തി​ർ​ക്കു​ക​യെ​ന്ന​ത് ത​ന്നെ​യാ​ണ് പാ​ർ​ട്ടി നി​ല​പാ​ടെ​ന്നും ഗോ​വി​ന്ദ​ൻ പ​റ​ഞ്ഞു.

ഇ​ല്ലാ​ത്ത അ​ധി​കാ​രം ഉ​പ​യോ​ഗി​ക്കാ​മെ​ന്ന് ആ​രും ക​രു​തേ​ണ്ടെ​ന്ന് കാ​നം രാ​ജേ​ന്ദ്ര​ൻ പ​റ​ഞ്ഞു. ഗ​വ​ര്‍ണ​ര്‍ക്ക് ചെ​യ്യാ​ന്‍ പ​റ്റു​ന്ന​ത് ഗ​വ​ര്‍ണ​ര്‍ ചെ​യ്യ​ട്ടെ. എ​പ്പോ​ഴും എ​ല്ലാ​വ​രും രാ​ജി​വെ​ക്ക​ണ​മെ​ന്ന് ഗ​വ​ർ​ണ​ർ പ​റ​യു​ന്നു. സ​ർ​ക്കാ​ർ ഇ​തി​നെ നേ​രി​ടും. അ​സാ​ധാ​ര​ണ​മാ​യ കാ​ര്യ​ങ്ങ​ൾ ഗ​വ​ർ​ണ​ർ ചെ​യ്യു​ന്നു​വെ​ന്നും കാ​നം കൂ​ട്ടി​ച്ചേ​ർ​ത്തു.