അധ്യാപക നിയമനങ്ങളിലുൾപ്പെടെ ഇടപെടാൻ ഗവർണർ; വി.സിമാരുടെ യോഗം വിളിച്ചു

തി​രു​വ​ന​ന്ത​പു​രം: സ​ർ​വ​ക​ലാ​ശാ​ല​ക​ളി​ലെ അ​ധ്യാ​പ​ക നി​യ​മ​ന​ങ്ങ​ളി​ലും ഇ​ട​പെ​ടാ​നൊ​രു​ങ്ങി ഗ​വ​ർ​ണ​ർ. ഇ​തി​ന്​ മു​ന്നോ​ടി​യാ​യി സ​ർ​വ​ക​ലാ​ശാ​ല​ക​ളി​ൽ അ​ധ്യാ​പ​ക നി​യ​മ​ന​ങ്ങ​ൾ ന​ട​ത്തു​ന്ന​തു​ൾ​പ്പെ​ടെ വി​ഷ​യ​ങ്ങ​ൾ ച​ർ​ച്ച ചെ​യ്യാ​ൻ ഗ​വ​ർ​ണ​ർ രാ​ജേ​ന്ദ്ര ആ​ർ​ലേ​ക്ക​ർ വി.​സി​മാ​രു​ടെ യോ​ഗം വി​ളി​ച്ചു. ഈ ​മാ​സം 17നാ​ണ്​​ യോ​ഗം. സ​ർ​വ​ക​ലാ​ശാ​ല ഭ​ര​ണ​ത്തി​ൽ നേ​രി​ട്ട്​ ഇ​ട​പെ​ടാ​നു​ള്ള ഗ​വ​ർ​ണ​റു​ടെ നീ​ക്ക​മാ​ണി​തെ​ന്നാ​ണ്​ സൂ​ച​ന.

മൂ​ന്ന്​ അ​ജ​ണ്ട​ക​ളാ​ണ്​ യോ​ഗ​ത്തി​നു​ള്ള​ത്. അ​ധ്യാ​പ​ക നി​യ​മ​ന​ത്തി​ന്​ പു​റ​മെ, സ​ർ​വ​ക​ലാ​ശാ​ല​ക​ളി​ലെ അ​ക്കാ​ദ​മി​ക്​ ക​ല​ണ്ട​ർ ത​യാ​റാ​ക്ക​ൽ, പ​രീ​ക്ഷ​ക​ൾ സ​മ​യ​ക്ര​മം അ​നു​സ​രി​ച്ചാ​ണോ ന​ട​ത്തു​ന്ന​ത്, ഉ​ന്ന​ത വി​ദ്യാ​ഭ്യാ​സ മേ​ഖ​ല​യി​ലെ നി​ല​വാ​രം നി​ല​നി​ർ​ത്താ​ൻ സ്വീ​ക​രി​ച്ച ന​ട​പ​ടി​ക​ൾ, അ​ക്കാ​ദ​മി​ക് - വി​ദ്യാ​ർ​ഥി സ​മൂ​ഹം നേ​രി​ടു​ന്ന പ്ര​ശ്ന​ങ്ങ​ൾ, പ​രി​ഹാ​ര ന​ട​പ​ടി​ക​ൾ എ​ന്നി​വ​യാ​ണ്​ അ​ജ​ണ്ട​യാ​യി വി.​സി​മാ​ർ​ക്കു​ള്ള ക​ത്തി​ൽ സൂ​ചി​പ്പി​ച്ച​ത്.

ഗ​വ​ർ​ണ​ർ​മാ​ർ വി.​സി​മാ​രു​ടെ യോ​ഗം വി​ളി​ക്കാ​റു​ണ്ടെ​ങ്കി​ലും അ​ധ്യാ​പ​ക നി​യ​മ​നം ന​ട​ത്താ​ൻ സ്വീ​ക​രി​ച്ച ന​ട​പ​ടി​ക​ൾ പോ​ലു​ള്ള​വ​യി​ൽ ഇ​ട​പെ​ടാ​റി​ല്ല. രാ​ജ്​​ഭ​വ​നെ മു​ന്നി​ൽ നി​ർ​ത്തി സ​ർ​വ​ക​ലാ​ശാ​ല​ക​ളി​ൽ ഇ​ട​പെ​ടാ​ൻ സം​ഘ്​​പ​രി​വാ​ർ ന​ട​ത്തു​ന്ന നീ​ക്ക​ങ്ങ​ളു​ടെ ഭാ​ഗ​മാ​യാ​ണ്​ ഗ​വ​ർ​ണ​ർ ഇ​ത്ത​രം വി​ഷ​യ​ങ്ങ​ളി​ൽ നേ​രി​ട്ട്​ ഇ​ട​പെ​ടു​ന്ന​തെ​ന്നാ​ണ്​ സൂ​ച​ന. 14 സ​ർ​വ​ക​ലാ​ശാ​ല വി.​സി​മാ​ർ​ക്കാ​ണ് യോ​ഗ​ത്തി​നെ​ത്താ​ൻ​ ക​ത്ത്​ ന​ൽ​കി​യ​ത്.

ഭൂ​രി​ഭാ​ഗം സ​ർ​വ​ക​ലാ​ശാ​ല​ക​ളി​ലും സ​ർ​ക്കാ​ർ ന​ൽ​കി​യ പാ​ന​ൽ ത​ള്ളി ഗ​വ​ർ​ണ​ർ നി​യ​മി​ച്ച വി.​സി​മാ​രാ​ണ്​ നി​ല​വി​ലു​ള്ള​ത്. അ​ധ്യാ​പ​ക നി​യ​മ​ന​ത്തി​നു​ള്ള സെ​ല​ക്​​ഷ​ൻ ക​മ്മി​റ്റി രൂ​പ​വ​ത്​​ക​രി​ക്കു​ന്ന​തി​ലും ന​ട​പ​ടി​ക​ളി​ലും യു.​ജി.​സി ച​ട്ട​പ്ര​കാ​രം വി.​സി​ക്കാ​ണ്​ അ​ധി​കാ​രം.

കേ​ന്ദ്ര സ​ർ​വ​ക​ലാ​ശാ​ല​ക​ളി​ലെ നി​യ​മ​ന​ങ്ങ​ൾ സം​ഘ്​​പ​രി​വാ​ർ താ​ൽ​പ​ര്യ​പ്ര​കാ​രം ന​ട​ക്കു​ന്നെ​ന്ന ആ​ക്ഷേ​പ​ങ്ങ​ൾ ഏ​റെ ഉ​യ​ർ​ന്നി​രു​ന്നു. ഇ​തി​നി​ടെ​യാ​ണ്​ സം​സ്ഥാ​ന സ​ർ​ക്കാ​ർ നി​യ​മ​പ്ര​കാ​രം രൂ​പ​വ​ത്​​ക​രി​ക്കു​ക​യും ഗ്രാ​ന്‍റ്​ ന​ൽ​കു​ക​യും ചെ​യ്യു​ന്ന സം​സ്ഥാ​ന സ​ർ​വ​ക​ലാ​ശാ​ല​ക​ളി​ൽ ഗ​വ​ർ​ണ​റെ മു​ന്നി​ൽ നി​ർ​ത്തി​യു​ള്ള പു​തി​യ നീ​ക്കം.

സ​ർ​വ​ക​ലാ​ശാ​ല​ക​ളി​ൽ പ്രോ-​ചാ​ൻ​സ​ല​റാ​യ ഉ​ന്ന​ത വി​ദ്യാ​ഭ്യാ​സ​മ​ന്ത്രി​ക്ക്​ നേ​രി​ട്ട്​ ഇ​ട​പെ​ടാ​ൻ വ​ഴി​യൊ​രു​ക്കു​ന്ന സ​ർ​വ​ക​ലാ​ശാ​ല നി​യ​മ​ഭേ​ദ​ഗ​തി ബി​ൽ​ നി​യ​മ​സ​ഭ പാ​സാ​ക്കി ഗ​വ​ർ​ണ​ർ​ക്ക്​ അ​യ​ച്ചി​ട്ട് ര​ണ്ടു​ മാ​സ​മാ​കു​മ്പോ​ഴും ഒ​പ്പി​ട്ടി​ട്ടി​ല്ല. ഈ ​ബി​ൽ​ രാ​ഷ്ട്ര​പ​തി​ക്ക്​ അ​യ​ക്കു​മെ​ന്ന സൂ​ച​ന പു​റ​ത്തു​വ​രു​ക​യും ചെ​യ്തി​രു​ന്നു.