കോട്ടക്കൽ: സ്വർണ്ണക്കള്ളക്കടത്ത് കേസുമായി ബന്ധപ്പെട്ട് മലപ്പുറം കോട്ടക്കലിൽ എൻ.ഐ.എ പരിശോധന. തെന്നല കോഴിച്ചെനയിൽ നേരത്തെ അറസ്റ്റിലായ പാട്ടത്തൊടി അബ്ദുവിൻ്റെ വീട്ടിലായിരുന്നു പരിശോധന.
ഞായറാഴ്ച രാവിലെ മുതൽ ആരംഭിച്ച പരിശോധന മൂന്നു മണിക്കൂറോളം നീണ്ടുനിന്നു. റെയ്ഡിൽ തെളിവുകൾ കണ്ടെത്തിയതായാണ് സൂചന.
എറണാകുളത്തു നിന്നുള്ള എൻ.ഐ.എ ഉദ്യോഗസ്ഥനടക്കം മൂന്നംഗ സംഘമാണ് പരിശോധന നടത്തിയത്.
കോട്ടക്കൽ പൊലീസും സ്ഥലത്തെത്തിയിരുന്നു. തിരുവനന്തപുരം വിമാനത്താവളം വഴി നയതന്ത്ര ചാനലിലൂടെ സ്വര്ണം കടത്തിയ കേസിൽ കോഴിച്ചെന സ്വദേശിയും പ്രവാസിയുമായ പാട്ടത്തൊടി അബ്ദുവിനെ ദിവസങ്ങൾക്ക് മുൻപാണ് കസ്റ്റംസ് അറസ്റ്റ് ചെയ്തത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.