മൂലമറ്റം (ഇടുക്കി): മൂലമറ്റം വൈദ്യുതി നിലയത്തിലെ പ്രൊട്ടക്ഷൻ ഡി.സിയിലുണ്ടായ തകരാറിനെ തുടർന്ന് ആറ് ജനറേറ്ററുകളുടെ പ്രവർത്തനം നിലച്ചു. ജനറേറ്ററുകളുടെ സുരക്ഷയ്ക്കുവേണ്ടിയുള്ള സംവിധാനമാണിത്. കേബിൾ കത്തിയതിനെ തുടർന്നാണ് ജനറേറ്ററുകൾ ഡ്രിപ്പായത്. വ്യാഴാഴ്ച വൈകീട്ട് 7.30നാണ് സംഭവം.
ഇതേത്തുടർന്ന് സംസ്ഥാനത്ത് വിവിധയിടങ്ങളിൽ ഒന്നര മണിക്കൂർ വൈദ്യുതി വിതരണം തടസ്സപ്പെട്ടു. സംസ്ഥാനത്ത് വൈദ്യുതി ഉൽപ്പാദനത്തിൽ 600 മെഗാവാട്ടിന്‍റെ കുറവാണ് ഉണ്ടായിട്ടുള്ളത്.
പ്രതിസന്ധി മറികടക്കാൻ വൈദ്യുതി മന്ത്രി കെ. കൃഷ്ണൻകുട്ടിയുടെ നിർദ്ദേശപ്രകാരം ഇതര സംസ്ഥാനങ്ങളിലെ വൈദ്യുതി ഉൽപ്പാദന കേന്ദ്രങ്ങളിൽനിന്ന് വൈദ്യുതി എത്തിക്കാൻ നടപടി കളമശ്ശേരി സ്റ്റേറ്റ് ലോഡ് ഡെസ്പാച്ച് സെൻറർ സ്വീകരിച്ചു.
അതേസമയം, രാത്രി 8.30ഓടെ ഒന്നാം നമ്പർ ജനറേറ്റർ പ്രവർത്തിപ്പിച്ചു. തുടർന്ന് മറ്റുജനറേറ്ററുകൾ ഘട്ടം ഘട്ടമായി പ്രവർത്തിപ്പിക്കാനുള്ള നടപടികളായി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.