മർദനമേറ്റ അഞ്ചു വയസുകാരി മരിച്ചു; രണ്ടാനച്ഛൻ കസ്റ്റഡിയിൽ

പത്തനംതിട്ട: മർദനമേറ്റ പരിക്കുകളോടെ പത്തനംതിട്ട ജനറൽ ആശുപത്രിയിൽ എത്തിച്ച അഞ്ചു വയസുകാരി മരിച്ചു. തമിഴ്നാട് രാജപാളയം സ്വദേശികളുടെ മകളാണ് മരിച്ചത്. സംഭവത്തിൽ രണ്ടാനച്ഛനെ പൊലീസ് കസ്റ്റഡിയിലെടുത്തിട്ടുണ്ട്.

പത്തനംതിട്ട കുമ്പഴയിലാണ് സംഭവം. കുട്ടിയുടെ ശരീരത്തിൽ മുറിവുകളുണ്ടായിരുന്നു. കുട്ടിക്ക് മർദനമേറ്റതായി അമ്മ മൊഴിനൽകി. എസ്.പി നിശാന്തിനിയുടെ നേതൃത്വത്തിൽ പൊലീസ് ഉദ്യോഗസ്ഥർ സംഭവത്തിൽ അന്വേഷണം നടത്തുകയാണ്.