തിരുവനന്തപുരം: നാടകവണ്ടിയിൽ ബോർഡ് വെച്ചതിന് പിഴ ചുമത്തിയ നടപടി പരിശോധിക്കാന് ഉദ്യോഗസ്ഥര്ക്ക് നിര് ദേശം നല്കിയതായി ഗതാഗത മന്ത്രി എ.കെ. ശശീന്ദ്രന്.
പിഴ ചുമത്തിയ നടപടി നിയമാനുസൃതമാണോ ചെയ്തിട്ടുള്ളത് എന്ന് പരിശോധിക്കും. വാഹനത്തിന് മുകളില് നാടകസമിതിയുടെ പേരും നാടകത്തിെൻറ പേരും പതിച്ച ബോര്ഡിന് വലിപ്പ കൂടുതലുണ്ടെന്നും പരസ്യം പതിപ്പിച്ചതായിട്ടേ കണക്കാക്കാൻ കഴിയൂയെന്നും ചൂണ്ടിക്കാട്ടി മോട്ടോര് വാഹന ഉദ്യോഗസ്ഥര് വന് തുക പിഴ ഇൗടാക്കി എന്ന പരാതിയാണ് ലഭിച്ചിരിക്കുന്നത്.
സംഭവത്തെക്കുറിച്ച് പരിശോധിക്കാനും ആവശ്യമെങ്കില് നടപടി പുനഃപരിശോധിക്കാനും ഉന്നത ഉദ്യോഗസ്ഥര്ക്ക് നിര്ദേശം നല്കിയിട്ടുണ്ടെന്ന് മന്ത്രി പറഞ്ഞു. ഉദ്യോഗസ്ഥര്ക്ക് വീഴ്ച സംഭവിച്ചിട്ടുണ്ടെങ്കില് ഉചിത നടപടികള് സ്വീകരിക്കും. തെറ്റായ പ്രവൃത്തികൾ ഉദ്യോഗസ്ഥരുടെ ഭാഗത്തു നിന്നും ഉണ്ടാകാതിരിക്കാന് ആവശ്യമായ നടപടികള് സ്വീകരിക്കുമെന്നും മന്ത്രി അറിയിച്ചു.
ആലുവ അശ്വതി തിയറ്റേഴ്സിെൻറ വാഹനത്തിനാണ് കഴിഞ്ഞ ദിവസം പിഴ ഈടാക്കിയത്. ചേറ്റുവ പാലത്തിനടുത്ത് വെച്ച് നടത്തിയ മോട്ടോര് വാഹന വകുപ്പിെൻറ പരിശോധനക്കിടെ ബോര്ഡിെൻറ വലിപ്പം ടേപ്പ് വച്ച് അളന്ന ശേഷം ഉദ്യോഗസ്ഥ 24,000 രൂപ പിഴ ഈടാക്കുകയായിരുന്നു. ഇതിെൻറ വീഡിയോ സമൂഹ മാധ്യമങ്ങളില് പ്രചരിച്ചതോടെ വലിയ വിമര്ശനമാണ് ഉയര്ന്നുവന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.