കൊച്ചി: ന്യൂമോണിയ ബാധിച്ച് ജില്ല ആശുപത്രിയിൽ ചികിൽസയിലായിരുന്നു 66കാരിക്ക് കോവിഡ് സ്ഥിരീകരിച്ചതോടെ എറണാകുളം ജില്ലയിൽ കടുത്ത നിയന്ത്രണം ഏർപ്പെടുത്തി. ചെല്ലാനം ഫിഷിങ് ഹാർബർ അടച്ചിടാൻ തീരുമാനിച്ചു. രോഗി ചികിൽസയിലുണ്ടായിരുന്നു എറണാകുളം ജില്ലാ ആശുപത്രിയിലെ 72 പേരെ ക്വാറൻറീനിലാക്കി. രോഗിയെ ചികിൽസിച്ച ഡോക്ടർമാരുൾപ്പടെയുള്ളവരെയാണ് ക്വാറൻറീനിലാക്കിയത്. മന്ത്രി വി.എസ് സുനിൽകുമാറാണ് വാർത്താസമ്മേളനത്തിൽ ഇക്കാര്യം അറിയിച്ചത്.
രോഗം സ്ഥിരീകരിച്ച സ്ത്രീയുടെ ഭർത്താവും മകനും ചെല്ലാനം ഹാർബറിലെ ജോലിക്കാരാണ്. അതുകൊണ്ടാണ് ഹാർബർ അടക്കാൻ തീരുമാനിച്ചത്. ഇവരുടെ വീടുൾപ്പെടുന്ന 15ാം വാർഡ് കണ്ടൈൻമെൻറ് സോണാക്കി മാറ്റും. ഇവർ ചികിൽസ തേടിയ ചെല്ലാനം ക്വാർട്ടിന ആശുപത്രി അടച്ചിടുമെന്നും അദ്ദേഹം വാർത്താസമ്മേളനത്തിൽ വ്യക്തമാക്കി.
എറണാകുളം മാർക്കറ്റിലെ 132 പേരുടെ സ്രവം പരിശോധനക്ക് അയച്ചു. ഇതിൽ ഒമ്പത് േപരുടെ ഫലം നെഗറ്റീവാണ്. മറ്റുള്ളവരുടെ സ്രവപരിശോധന ഫലം പുറത്ത് വന്നിട്ടില്ല.
LATEST VIDEO
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.