തിരുവനന്തപുരം: മധ്യവടക്കന് ബംഗാള് ഉള്ക്കടലില് രൂപംകൊണ്ട അതിതീവ്ര ന്യൂനമര്ദം ചുഴലിക്കാറ്റായി മാറിയതായി കേന്ദ്ര കാലാവസ്ഥ വകുപ്പ് അറിയിച്ചു.
ഗുലാബ് എന്ന് പേരു നല്കപ്പെട്ട ഈ ചുഴലിക്കാറ്റ് പടിഞ്ഞാറ് ദിശയില് സഞ്ചരിച്ച് ഞായറാഴ്ച വൈകീട്ടോടെ ആന്ധ്ര-ഒഡിഷ തീരത്തേക്ക് പ്രവേശിക്കും. പാകിസ്താന് നിര്ദേശിച്ച പനിനീര് പൂവ് എന്നര്ഥം വരുന്ന പേരാണ് ഗുലാബ്. അടുത്ത ചുഴലിക്കാറ്റ് ഖത്തര് നിര്ദേശിച്ച 'ഷഹീന്' എന്ന പേരിലാകും അറിയപ്പെടുക.
കേരളം ചുഴലിക്കാറ്റിെൻറ സഞ്ചാരപഥത്തില് ഇല്ലെങ്കിലും കേരള തീരത്ത് കാറ്റ് ശക്തിപ്പെടാനും കാലവര്ഷം സജീവമാകാനും സാധ്യതയുണ്ട്. ഒറ്റപ്പെട്ട ശക്തമായ മഴക്കുള്ള സാധ്യതയുള്ളതിനാല് വിവിധ ജില്ലകളില് സെപ്റ്റംബര് 28 വരെ യെല്ലോ അലര്ട്ട് പ്രഖ്യാപിച്ചിട്ടുണ്ട്.
തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം, ഇടുക്കി, പാലക്കാട് ജില്ലകൾ ഇന്ന് യെല്ലോ അലർട്ടിലാണ്.
ഞായറും തിങ്കളും മത്സ്യത്തൊഴിലാളികള് കേരള ലക്ഷദ്വീപ് തീരങ്ങളില് മത്സ്യബന്ധനത്തിന് പോകാന് പാടില്ലെന്ന് മുഖ്യമന്ത്രി പിണറായി വിജയൻ അറിയിച്ചു. ഒറ്റപ്പെട്ട ശക്തമായ മഴ തുടര്ച്ചയായ ദിവസങ്ങളില് ഉണ്ടാവുകയാണെങ്കില് മണ്ണിടിച്ചില്, ഉരുള്പൊട്ടല് തുടങ്ങിയവക്കുള്ള സാധ്യതകള് മുന്കൂട്ടിക്കണ്ട് സര്ക്കാര് സംവിധാനങ്ങളും പൊതുജനങ്ങളും ജാഗ്രത പാലിക്കേണ്ടതാണെന്നും അദ്ദേഹം അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.