കോന്നി സ്വദേശി റഫീഖിന്‍റെ മൃതദേഹം കൊച്ചിയിലെത്തിച്ചു

കോ​ന്നി: സൗ​ദി​യി​ൽ മ​രി​ച്ച കോ​ന്നി സ്വ​ദേ​ശി​ റഫീഖിന്‍റെ മൃതദേഹം നാട്ടിലെത്തിച്ചു. നെടുമ്പാശ്ശേരി വിമാന ത്താവളത്തിലെത്തിച്ച മൃതദേഹം ഇന്നുതന്നെ പത്തനംതിട്ടയിലെ കോന്നിയിൽ എത്തിക്കും.

റഫീഖിൻറെ മൃ​ത​ദേ​ഹ​ത്തി ​ന്​ പ​ക​രം കൊ​ണ്ടു​വ​ന്ന ശ്രീ​ല​ങ്ക​ൻ യു​വ​തി ബ​ന്ധാ​രെ മ​നൈ​കി ബ​ലേ​ജി​യു​ടെ മൃ​ത​ദേ​ഹം ഇന്ന്​ നാ​ട്ടി​ലേ​ക്ക് കൊ​ണ്ടു​പോ​കും.

കോ​ന്നി സ്വ​ദേ​ശി കു​മ്മ​ണ്ണൂ​ർ ഈ​ട്ടി​മൂ​ട്ടി​ൽ വീ​ട്ടി​ൽ അ​ബ്​​ദു​ൽ റ​സാ​ഖിന്‍റെ മകനാണ്​ സൗദിയിൽ മരിച്ച റഫീഖ്​ (28). വ്യാ​ഴാ​ഴ്ച​യാ​ണ് റ​ഫീ​ഖി​​​​​െൻറ മൃ​ത​ദേ​ഹ​ത്തി​ന് പ​ക​രം ശ്രീ​ല​ങ്ക​ൻ സ്വ​ദേ​ശി​നി​യു​ടെ മൃ​ത​ദേ​ഹം കോ​ന്നി​യി​ൽ കൊ​ണ്ടു​വ​ന്ന​ത്. റ​ഫീ​ഖി​​​​​െൻറ മൃ​ത​ദേ​ഹം ശ്രീ​ല​ങ്ക​യി​ലേക്കും മാറി അയക്കുകയായിരുന്നു. ​

സം​സ്കാ​ര ച​ട​ങ്ങു​ക​ൾ​ക്ക് പെ​ട്ടി തു​റ​ന്ന​പ്പോ​ഴാ​ണ് മൃ​ത​ദേ​ഹ​ങ്ങ​ൾ മാ​റി​യ​ത് അ​റി​യു​ന്ന​ത്. എം​ബാം ചെ​യ്ത് പെ​ട്ടി​യി​ലാ​ക്കി സീ​ൽ ചെ​യ്ത​പ്പോ​ഴും ബ​ന്ധ​പ്പെ​ട്ട ന​മ്പ​ർ, രേ​ഖ​ക​ൾ എ​ന്നി​വ പെ​ട്ടി​യി​ൽ പ​തി​ച്ച​പ്പോ​ഴും കാ​ർ​ഗോ അ​ധി​കാ​രി​ക​ൾ​ക്കു​ണ്ടാ​യ വീ​ഴ്ച​യാ​ണ് മൃ​ത​ദേ​ഹ​ങ്ങ​ൾ മാ​റി​പ്പോ​കാ​ൻ കാ​ര​ണ​മാ​യ​ത്.