തൃശൂർ: കോവിഡിന് ശേഷം ട്രെയിൻ ഗതാഗതം സാധാരണ നിലയിലാക്കുന്നതിന്റെ ഭാഗമായി പകൽ റിസർവേഷൻ ഇല്ലാതെ യാത്ര ചെയ്യാവുന്ന ഡി-റിസർവ്ഡ് കോച്ചുകൾ റെയിൽവെ പുനഃസ്ഥാപിച്ചു. തത്സമയം വാങ്ങുന്ന സ്ലീപർ ക്ലാസ് ടിക്കറ്റോ സീസൺ ടിക്കറ്റോ ഉപയോഗിച്ച് ഈ കോച്ചുകളിൽ അനുവദിച്ച മേഖലകളിൽ മാത്രം യാത്ര ചെയ്യാം.
16382 കന്യാകുമാരി-പൂന എക്സ്പ്രസിൽ കന്യാകുമാരി മുതൽ പാലക്കാട് വരെ എസ് 6 (ഒക്ടോബർ 15), 22640 ആലപ്പുഴ - ചെന്നൈ എക്സ്പ്രസിൽ ആലപ്പുഴ മുതൽ പാലക്കാട് വരെ എസ് 7 (ഒക്ടോബർ 16), 22639 ചെന്നൈ - ആലപ്പുഴ എക്സ്പ്രസിൽ തൃശൂർ മുതൽ ആലപ്പുഴ വരെ എസ് 12 (ഒക്ടോബർ 22), 16525 കന്യാകുമാരി - ബംഗളുരു എക്സ്പ്രസിൽ കന്യാകുമാരി മുതൽ പാലക്കാട് വരെ എസ് 7 (ആഗസ്റ്റ് ഏഴ്), 17229 തിരുവനന്തപുരം - സെക്കന്തരാബാദ് എക്സ്പ്രസിൽ തിരുവനന്തപുരം മുതൽ കോയമ്പത്തൂർ വരെ എസ് 11, എസ്12 (ഒക്ടോബർ 14) എന്നീ ട്രെയിനുകളിൽ ബ്രാക്കറ്റിൽ കാണിച്ച ദിവസം മുതൽ ഈ സൗകര്യം ലഭ്യമാകും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.