സം​സ്ഥാ​ന സ​മ്മേ​ള​ന​ത്തി​ൽ ചി​ല മു​ഖ​ങ്ങ​ളില്ല; മാറിനിന്നതോ മാറ്റിനിർത്തിയതോ​?

കൊ​ല്ലം: സി.​പി.​എം സം​സ്ഥാ​ന സ​മ്മേ​ള​ന​ത്തി​ൽ ചി​ല മു​ഖ​ങ്ങ​ൾ കാ​ണാ​ത്ത​തോ​ടെ,​ മാ​റി​നി​ൽ​ക്കു​ന്ന​തോ മാ​റ്റി നി​ർ​ത്തി​യ​തോ എ​ന്ന ചോ​ദ്യ​മു​യ​രു​ന്നു. അ​തി​ൽ ഏ​റ്റ​വും പ്ര​ധാ​നി സ​മ്മേ​ള​ന സ്ഥ​ല​ത്തെ പാ​ർ​ട്ടി എം.​എ​ൽ.​എ കൂ​ടി​യാ​യ എം. ​മു​കേ​ഷാ​ണ്. കൊ​ല്ല​ത്ത്​ ഒ​രു​മാ​സം മു​മ്പ്​ മു​ത​ൽ സ​മ്മേ​ള​ന പ​രി​പാ​ടി​ക​ൾ പ​ല​ത്​ ന​ട​ന്നെ​ങ്കി​ലും അ​തി​ലൊ​ന്നും മു​കേ​ഷി​ന്‍റെ മു​ഖം ക​ണ്ടി​ല്ല.

കൊ​ല്ലം ആ​ശ്രാ​മം മൈ​താ​നി​യി​ൽ ബു​ധ​നാ​ഴ്ച പ​താ​ക ഉ​യ​ർ​ത്തി​യ​പ്പോ​ൾ പ്ര​തി​നി​ധി​ക​ള​ല്ലാ​ത്ത​വ​ര​ട​ക്കം സം​സ്ഥാ​ന​ത്തി​ന്‍റെ വി​വി​ധ ഭാ​ഗ​ങ്ങ​ളി​ൽ നി​ന്ന്​ പ്ര​വ​ർ​ത്ത​ക​ർ ഒ​ഴു​കി​യെ​ത്തി​യി​രു​ന്നു, അ​വി​ടെ​യും സ്ഥ​ലം എം.​എ​ൽ.​എ​യെ ക​ണ്ടി​ല്ല. പി​റ്റേ​ന്ന്, പ്ര​തി​നി​ധി സ​മ്മേ​ള​നം തു​ട​ങ്ങി​യ​പ്പോ​ൾ അ​വി​ടെ​യും അ​ദ്ദേ​ഹ​മു​ണ്ടാ​യി​ല്ല. വ്യ​ക്തി​പ​ര​മാ​യ കാ​ര​ണ​ങ്ങ​ളാ​ൽ എ​റ​ണാ​കു​ള​ത്താ​ണെ​ന്നാ​ണ്​ അ​ടു​പ്പ​മു​ള്ള​വ​രി​ൽ​നി​ന്ന്​ ല​ഭി​ച്ച മ​റു​പ​ടി. ലൈം​ഗി​കാ​രോ​പ​ണ​ക്കേ​സി​ൽ കു​റ്റ​പ​ത്രം ല​ഭി​ച്ച​ശേ​ഷം മു​കേ​ഷി​നെ പാ​ർ​ട്ടി പ​രി​പാ​ടി​ക​ളി​ൽ നി​ന്നെ​ല്ലാം വി​ല​ക്കി​യ​താ​യാ​ണ്​ വി​വ​രം. കേ​ന്ദ്ര നേ​തൃ​ത്വ​ത്തി​ന്‍റെ നി​ർ​ദേ​ശ പ്ര​കാ​ര​മാ​ണി​തെ​ന്നാ​ണ്​ സൂ​ച​ന.

പാ​ർ​ട്ടി സ​മ്മേ​ള​ന​ങ്ങ​ളി​ലെ സ്ഥി​ര​സാ​ന്നി​ധ്യ​മാ​യി​രു​ന്ന ക​ണ്ണൂ​രി​ലെ മു​ൻ ജി​ല്ല പ​ഞ്ചാ​യ​ത്ത്​ പ്ര​സി​ഡ​ൻ​റ്​ പി.​പി. ദി​വ്യ​യെ​യും സ​മ്മേ​ള​ന ന​ഗ​രി​യി​ലെ​ങ്ങും കാ​ണാ​നാ​യി​ല്ല.

സ​മ്മേ​ള​ന ന​ഗ​രി​യി​ൽ കാ​ണാ​തി​രു​ന്ന മ​റ്റൊ​രു പ്ര​മു​ഖ​ൻ മു​ൻ മ​ന്ത്രി ജി. ​സു​ധാ​ക​ര​നാ​ണ്. കൊ​ല്ലം സ​മ്മേ​ള​ന​ത്തി​ലേ​ക്ക്​ അ​തി​ഥി​യാ​യി പോ​ലും അ​ദ്ദേ​ഹ​ത്തി​ന്​ ക്ഷ​ണ​മു​ണ്ടാ​യി​ല്ല. ക​ഴി​ഞ്ഞ സ​മ്മേ​ള​ന​ത്തി​ൽ സം​സ്ഥാ​ന ക​മ്മി​റ്റി​യി​ൽ നി​ന്ന്​ ഒ​ഴി​വാ​ക്ക​പ്പെ​ട്ട സു​ധാ​ക​ര​ൻ 30 വ​ർ​ഷം മു​മ്പ്​ കൊ​ല്ല​ത്ത്​ സം​സ്ഥാ​ന സ​മ്മേ​ള​നം ന​ട​ന്ന​പ്പോ​ൾ സം​ഘാ​ട​ക സ​മി​തി ജോ​യ​ന്‍റ്​ സെ​ക്ര​ട്ട​റി​യാ​യി​രു​​ന്നു. 1978ൽ ​സം​സ്ഥാ​ന ക​മ്മി​റ്റി അം​ഗ​മാ​യി​രു​ന്ന എ​ൻ. പ​ത്മ​ലോ​ച​ന​നെ വ​രെ തി​ര​ഞ്ഞു​പി​ടി​ച്ച്​ സ​മ്മേ​ള​ന ന​ഗ​രി​യി​ലെ​ത്തി​ച്ച പാ​ർ​ട്ടി​യാ​ണ്​ സു​ധാ​ക​ര​നെ പ്ര​ദേ​ശ​ത്തേ​ക്കു​പോ​ലും അ​ടു​പ്പി​ക്കാ​തി​രു​ന്ന​ത്​.