ചിൽഡ്രൻസ് ഹോം കേസ്: ഓടിരക്ഷപ്പെട്ട പ്രതി മ​ണി​ക്കൂ​റി​നു​ള്ളി​ൽ പി​ടി​യി​ൽ

വെ​ള്ളി​മാ​ട്കു​ന്ന് : ബാ​ല​മ​ന്ദി​ര​ത്തി​ലെ പെ​ൺ​കു​ട്ടി​ക​ളോ​ടൊ​പ്പം പി​ടി​യി​ലാ​യ യു​വാ​ക്ക​ളി​ൽ ഒ​രാ​ൾ പൊ​ലീ​സ് സ്റ്റേ​ഷ​നി​ൽ നി​ന്ന് ര​ക്ഷ​​െപ്പട്ടു. മണിക്കൂറുകൾക്കകം പിടിയിലായി. ശ​നി​യാ​ഴ്ച വൈ​കീ​ട്ട് കോ​ട​തി​യി​ൽ ഹാ​ജ​രാ​ക്കാ​നുള്ള നീക്കത്തിനിടെ ആ​റ​ര​യോ​ടെ പ്ര​തി​ക​ളി​ൽ ഒ​രാ​ളാ​യ ഫെ​ബി​ൻ റാ​ഫി ചേ​വാ​യൂ​ർ സ്റ്റേ​ഷ​നി​ൽ നി​ന്ന് ക​ട​ന്നു ക​ള​യു​ക​യാ​യി​രു​ന്നു.

ബ​ന്ധു​ക്ക​ൾ എത്തിച്ച വ​സ്ത്രം മാറുന്നതിനിടെയാണ് സ്റ്റേ​ഷ​ന്റെ വ​നി​ത വി​ഭാ​ഗ​ത്തി​നാ​യി നി​ർ​മാ​ണം ന​ട​ക്കു​ന്ന ഭാ​ഗ​ത്തു​കൂ​ടെ ഫെ​ബി​ൻ ര​ക്ഷ​പ്പെ​ട്ടത്. പൂ​ള​ക്ക​ട​വ് ഭാ​ഗ​ത്തേ​ക്ക് ക​ട​ന്ന​ത് റോ​ഡി​ലു​ണ്ടാ​യി​രു​ന്ന​വ​ർ ക​ണ്ടു. ബ​സ് സ്റ്റാ​ൻ​ഡു​ക​ളി​ലേ​ക്കും റെ​യി​ൽ​വേ സ്റ്റേ​ഷ​നി​ലും പൊ​ലീ​സ് പ​രി​ശോ​ധ​ന വ്യാ​പി​പ്പി​ച്ചെ​ങ്കി​ലും ഏ​ഴ​ര​യോ​ടെ ലോ ​കോ​ള​ജ് വ​ള​പ്പി​ലെ കു​റ്റി​ക്കാ​ട്ടി​ൽ നി​ന്ന് പൊ​ലീ​സും നാ​ട്ടു​കാ​രും ലോ ​കോ​ള​ജ് വി​ദ്യാ​ർ​ഥി​ക​ളും​ ചേ​ർ​ന്ന് പി​ടി​കൂ​ടി.

പൊ​ലീ​സ് വീ​ഴ്ച​യി​ൽ പ്ര​തി​ഷേ​ധി​ച്ച് യൂ​ത്ത് കോ​ൺ​ഗ്ര​സ് പ്ര​വ​ർ​ത്ത​ക​ർ സ്റ്റേ​ഷ​നി​ലേ​ക്ക് പ്ര​ക​ട​നം ന​ട​ത്തി. പ്ര​തി​യെ പി​ടി​കൂ​ടി​യ​ത​റി​ഞ്ഞ് പൊ​ലീ​സി​ന് അ​ഭി​വാ​ദ്യ​മ​ർ​പ്പി​ച്ച് സി.​പി.​എം പ്ര​വ​ർ​ത്ത​ക​രും പ്ര​ക​ട​നം ന​ട​ത്തി. ലോ ​കോ​ള​ജി​ലെ വി​ദ്യാ​ർ​ഥി​ക​ളി​ൽ നി​ന്ന് പ്ര​തി​ക​ര​ണ​മാ​രാ​യാൻ ശ്ര​മി​ച്ച​പ്പോ​ൾ സി.​പി.​എം പ്ര​വ​ർ​ത്ത​ക​ർ മാ​ധ്യ​മ പ്ര​വ​ർ​ത്ത​ക​രെ ഭീ​ഷ​ണി​പ്പെ​ടു​ത്തിയത് വാ​ക് ത​ർ​ക്ക​ത്തി​നി​ട​യാ​ക്കു​ക​യും ചെ​യ്തു. വി​വാ​ദ​മാ​യ​തോ​ടെ വി​ദ്യാ​ർ​ഥി​ക​ൾ പി​ൻ​വ​ലി​ഞ്ഞു.

പെൺകുട്ടികളെ കോടതിയിൽ ഹാജരാക്കി; പിടിയിലായ യുവാക്കൾ റിമാൻഡിൽ

കോ​ഴി​ക്കോ​ട്: ബാ​ല​മ​ന്ദി​ര​ത്തി​ൽ നി​ന്ന് ഒ​ളി​ച്ചു ക​ട​ന്ന പെ​ൺ​കു​ട്ടി​ക​ൾ​ക്കൊ​പ്പ​മു​ണ്ടാ​യി​രു​ന്ന യു​വാ​ക്ക​ളെ കോ​ട​തി റി​മാ​ൻ​ഡ് ചെ​യ്തു. ശ​നി​യാ​ഴ്ച പു​ല​ർ​ച്ചെ ചേ​വാ​യൂ​ർ പൊ​ലീ​സ് ഇ​ൻ​സ്പെ​ക്ട​ർ ച​ന്ദ്ര​മോ​ഹ​ന​ന്റെ നേ​തൃ​ത്വ​ത്തി​ൽ കോ​ഴി​ക്കോ​ട്ടെ​ത്തി​ച്ച കൊ​ടു​ങ്ങ​ല്ലൂ​ർ ചേ​റാ​ടി ഫെ​ബി​ൻ റാ​ഫി(26), കൊ​ല്ലം ക​ണ്ണ​ല്ലൂ​ർ കാ​ർ​ത്തി​ക​യി​ൽ ടോം ​തോ​മ​സ് (26) എ​ന്നി​വ​രാണ് റിമാൻഡിലായത്. എ​ട്ടു വ​ർ​ഷ​മാ​യി ഫെ​ബി​ൻ ബം​ഗ​ളൂ​രു​വി​ലാ​ണ്. റൈ​ഡ​ർ ആ​ണെ​ന്നാ​ണ് ഇ​യാ​ൾ പ​റ​യു​ന്ന​ത്.

സു​ഹൃ​ത്താ​യ ടോം ​തോ​മ​സ് ബം​ഗ​ളൂ​രു​വി​ലേ​ക്ക് ഫെ​ബി​നൊ​പ്പം വ​ന്ന​താ​ണ്. ട്രെ​യി​നി​ൽ വെ​ച്ചു ത​ന്നെ യു​വാ​ക്ക​ൾ പെ​ൺ​കു​ട്ടി​ക​ളെ നോ​ട്ട​മി​ട്ടി​രു​ന്നു. വൈ​റ്റ് ഫീ​ൽ​ഡി​ൽ ഇ​റ​ങ്ങി​യ ശേ​ഷം റെ​യി​ൽ​വേ സ്റ്റേ​ഷ​നി​ൽ വെ​ച്ചാ​ണ് പെ​ൺ​കു​ട്ടി​ക​ൾ ത​ങ്ങ​ൾ ഗോ​വ​ക്ക് പോ​വു​ക​യാ​ണെ​ന്നും ബാ​ഗു​ക​ൾ ന​ഷ്ട​പ്പെ​ട്ട​തി​നാ​നാലാണ് പ​ണം ക​ടം ചോ​ദി​ക്കു​ന്നതെന്നും അറിയിച്ചു.

500 രൂ​പ ന​ൽ​കു​ക​യും മ​റ്റ് ആ​വ​ശ്യ​മെ​ന്തെ​ങ്കി​ലും ഉ​ണ്ടെ​ങ്കി​ൽ ബ​ന്ധ​പ്പെ​ടാ​ൻ പ​റ​ഞ്ഞ് ഫോ​ൺ ന​മ്പ​ർ ന​ൽ​കു​ക​യാ​യി​രു​ന്നു. അ​ൽ​പ സ​മ​യം ക​ഴി​ഞ്ഞ് പെ​ൺ​കു​ട്ടി​ക​ൾ വി​ളി​ച്ച​തി​നാ​ൽ താ​ൽ​ക്കാ​ലി​ക ഇ​ടം ഒ​രു​ക്കി. പു​റ​ത്തു നി​ന്ന് ഭ​ക്ഷ​ണ​വും ബി​യ​റും മ​ദ്യ​വും വാ​ങ്ങി​യെ​ത്തി. ഒ​രു പെ​ൺ​കു​ട്ടി മ​ദ്യം ക​ഴി​ക്കു​ക​യും ല​ഹ​രി​യി​ലാ​കു​ക​യും ചെ​യ്തു. ഇ​തി​നി​ടെ പെ​ൺ​കു​ട്ടി​യെ ലൈം​ഗി​ക​മാ​യി പീ​ഡി​പ്പി​ക്കാ​നു​ള്ള ശ്ര​മം മ​റ്റു കു​ട്ടി​ക​ൾ ത​ട​യു​ക​യും യു​വാ​ക്ക​ളെ മ​ർ​ദി​ക്കു​ക​യു​മാ​യി​രു​ന്നു. ബ​ഹ​ളം വെ​ച്ച് പു​റ​ത്തു ക​ട​ന്ന് ര​ക്ഷ​പ്പെ​ടാ​ൻ ശ്ര​മി​ച്ചെ​ങ്കി​ലും മ​ദ്യ ല​ഹ​രി​യി​ലാ​യ​ പെ​ൺ​കു​ട്ടി​ക്ക് ര​ക്ഷ​പ്പെ​ടാ​നാ​യി​ല്ല.

ഈ ​കു​ട്ടി​യെ​യും ര​ണ്ടു യു​വാ​ക്ക​ളെ​യും പൊ​ലീ​സി​ൽ ഏ​ൽ​പി​ക്കു​ക​യാ​യി​രു​ന്നു. കൂ​ട്ടം തി​രി​ഞ്ഞ ഒ​രു പെ​ൺ​കു​ട്ടി സ്വ​കാ​ര്യ ബ​സി​ൽ കോ​ഴി​ക്കോ​ട്ടേ​ക്ക് വ​രു​ന്ന​തി​നി​ടെ പി​ടി​യിലായി. മ​റ്റു നാ​ലു പെ​ൺ​കു​ട്ടി​ക​ളെ​യും വെ​ള്ളി​യാ​ഴ്ച എ​ട​ക്ക​ര പൊ​ലീ​സ് പി​ടി​കൂ​ടി ചേ​വാ​യൂ​ർ പൊ​ലീ​സി​ന് കൈ​മാ​റി​യി​രു​ന്നു. ബം​ഗ​ളൂ​രു​വി​ൽ നി​ന്ന് പൊ​ലീ​സ് കൊ​ണ്ടു​വ​ന്ന ര​ണ്ടു പെ​ൺ​കു​ട്ടി​ക​ളെ​യും ശ​നി​യാ​ഴ്ച പു​ല​ർ​ച്ചെ വ​നി​ത സെ​ല്ലി​ൽ എ​ത്തി​ച്ചു. ശ​നി​യാ​ഴ്ച രാ​വി​ലെ വ​നി​ത പൊ​ലീ​സ് എ​സ്.​ഐ മൊ​ഴി​യെ​ടു​ത്തു. തുടർന്ന് വൈദ്യ പരിശോധനക്ക് ശേഷം മ​ജി​സ്ട്രേ​റ്റി​നു മു​ന്നി​ൽ ഹാ​ജ​രാ​ക്കി.

ശേഷം സി.​ഡ​ബ്ല്യു. സി ​അം​ഗ​ത്തി​നു മു​ന്നി​ൽ ഹാ​ജ​രാ​ക്കി ബാ​ല​മ​ന്ദി​ര​ത്തി​ലേ​ക്ക് അ​യ​ച്ചു. യു​വാ​ക്ക​ളെ പോ​ക്സോ കോ​ട​തി​യി​ൽ ഹാ​ജ​രാ​ക്കി റി​മാ​ൻ​ഡ് ചെ​യ്തു. അ​സി. പൊ​ലീ​സ് ക​മീ​ഷ​ണ​ർ കെ. ​സു​ദ​ർ​ശ​ന്റെ നേ​തൃ​ത്വ​ത്തി​ലാ​യി​രു​ന്നു അ​ന്വേ​ഷ​ണം.