സംസ്ഥാനത്ത്​ ലോക്​ഡൗൺ നിയന്ത്രണങ്ങളിൽ ഇന്ന്​ മുതൽ മാറ്റം

തിരുവനന്തപുരം: സംസ്ഥാനത്തെ ലോക്​ഡൗൺ നിയന്ത്രണങ്ങളിൽ ഇന്ന്​ മുതൽ മാറ്റം. പ്രതിവാര അണുബാധ ജനസംഖ്യ അനുപാതം എട്ടിൽ കൂടുതലുള്ള പ്രദേശങ്ങളിൽ ലോക്​ഡൗൺ ഏർപ്പെടുത്തി സംസ്ഥാന സർക്കാർ ഉത്തരവിറക്കി. നേരത്തെ പ്രതിവാര അണുബാധ അനുപാതം 10ൽ കൂടുതലുള്ള പ്രദേശങ്ങളിലായിരുന്നു ലോക്​ഡൗൺ ഏർപ്പെടുത്തിയിരുന്നത്​. 1000 പേരിൽ എട്ടിൽ കൂടുതൽ പേർക്ക്​ കോവിഡ്​ സ്ഥിരീകരിച്ചാൽ അത്തരം പ്രദേശങ്ങളിലാണ്​ ലോക്​ഡൗൺ ഏർപ്പെടുത്തുക.

തിരുവനന്തപുരം ജില്ലയില്‍ അഞ്ച് വാര്‍ഡുകളിലാണ് സമ്പൂര്‍ണ ലോക്ഡൗൺ‍. പാലക്കാട് ജില്ലയില്‍ 282 വാര്‍ഡുകളിലും ട്രിപ്പിള്‍ ലോക്ഡൗണാണ്. തൃശൂരില്‍ 39 പ്രദേശങ്ങളിലും കോട്ടയത്ത് 26 വാര്‍ഡുകളിലുമാണ് കര്‍ശന നിയന്ത്രണം. സമ്പൂര്‍ണ ലോക്ഡൗൺ ഉള്ള പ്രദേശങ്ങളിൽ അവശ്യ സർവീസുകൾക്ക് മാത്രമാണ് പ്രവര്‍ത്തനാനുമതി. രാവിലെ ഏഴു മുതൽ വൈകിട്ട് ഏഴു വരെ അവശ്യ സർവീസുകൾക്ക് പ്രവർത്തിക്കാമെന്നാണ് നിര്‍ദേശം.

അതേസമയം, സംസ്ഥാനത്ത്​ കോവിഡ്​ വ്യാപനം രൂക്ഷമായി തുടരുകയാണ്​. 23,000ലധികം പേർക്കാണ്​ കഴിഞ്ഞ ദിവസം കോവിഡ്​ സ്ഥിരീകരിച്ചത്​. കഴിഞ്ഞ ദിവസവും 14 ശതമാനത്തിന്​ മുകളിലായിരുന്നു ടി.പി.ആർ.