അന്തിക്കാട് (തൃശൂർ): നാട്ടിക മണ്ഡലത്തിൽ സീറ്റ് നിഷേധിച്ചതോടെ വിമർശനം ഉന്നയിച്ച സി.സി. മുകുന്ദൻ എം.എൽ.എക്കെതിരെ മാനനഷ്ടത്തിന് സി.പി.ഐ നേതാവും എൽ.ഡി.എഫ് സ്ഥാനാർഥിയുമായ ഗീത ഗോപിയുടെ വക്കീൽ നോട്ടീസ്. ഗീത ഗോപിയെ നാട്ടിക മണ്ഡലത്തിൽ സി.പി.ഐ മത്സരിപ്പിക്കാൻ തീരുമാനിച്ചതോടെ പത്ര ദൃശ്യമാധ്യമങ്ങളിലും സാമൂഹിക മാധ്യമങ്ങൾ വഴിയും മുകുന്ദൻ അപകീർത്തികരമായ വിധത്തിൽ വ്യക്തിഹത്യ നടത്തിയെന്നാണ് ആക്ഷേപം. ഈ മാസം 16നകം മാധ്യമങ്ങളിലൂടെ പ്രസ്താവന പിൻവലിച്ച് പരസ്യമായി മാപ്പ് പറയണമെന്നാവശ്യപ്പെട്ടാണ് അഡ്വ. പി. മുഹമ്മദ് ബഷീർ മുഖേന നോട്ടീസ് അയച്ചത്. സി.പി.ഐയുടെയും എൽ.ഡി.എഫിന്റെയും പിന്തുണയോടെയാണ് ഗീത ഗോപി വക്കീൽ നോട്ടീസ് അയച്ചത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.