മൂവാറ്റുപുഴ: വിദ്യാർഥികൾ സഞ്ചരിച്ച ബൈക്കിൽ ടിപ്പർ ലോറിയിടിച്ച് യാത്രക്കാരനായ യുവാവ് മരിച്ചു. സഹയാത്രികന് പരിക്കേറ്റു. കിഴക്കേക്കര -ആയവന റോഡിൽ ശ്രീരാമകൃഷ്ണാശ്രമത്തിനു സമീപം ചൊവ്വാഴ്ച്ച രാവിലെ ഒമ്പത് മണിയോടെയാണ് സംഭവം. പോത്താനിക്കാട് പറമ്പഞ്ചേരി മണ്ണകത്ത് പരേതനായ ജോസിന്റെ മകൻ അജിത് (22) ആണ് മരിച്ചത്.
സഹയാത്രികനായ കറുകടം ശബനിയാകുടിയിൽ ആന്റോ മത്തായി(22)യെ ഗുരുതരമായി പരിക്കേറ്റ നിലയിൽ ആലുവാ രാജഗിരി ആശുപത്രിയിൽ പ്രവേശിപ്പിച്ചു. ബംഗളൂരുവിൽ എം.ബി.എ വിദ്യാർഥികളായ ഇരുവരും രണ്ടു ദിവസം മുമ്പാണ് നാട്ടിലെത്തിയത്.
രാവിലെ കോട്ടയം എം.ജി. യൂണിവേഴ്സിറ്റിയിലേക്ക് പോകുകയായിരുന്നു ഇരുവരും. ശ്രീരാമകൃഷ്ണാശ്രമത്തിനു സമീപം വച്ച് ടിപ്പറിനെ മറികടക്കുന്നതിനിടെയാണ് അപകടം. ഉടൻ സമീപത്തെ ആശുപത്രിയിൽ എത്തിച്ചെങ്കിലും അജിത് മരിച്ചു. അമ്മ മേരിക്കുട്ടി. സഹോദരങ്ങൾ: അനീഷ്, അനു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.