തിരൂർ: പൊലീസിനെ കണ്ട് ഭയന്നോടുന്നതിനിടെ വീണ് കല്ലിൽ തലയിടിച്ച് ഓട്ടോ ഡ്രൈവർ മരിച്ചു. തിരൂർ കട്ടച്ചിറയിൽ ചൊവ് വാഴ്ച രാത്രിയോടെയാണ് സംഭവം. തലക്കാട് കട്ടച്ചിറ നെടിവരമ്പത്ത് കൃഷ്ണൻകുട്ടിയുടെ മകൻ സുരേഷാണ് (42) മരിച്ചത്.
ക ട്ടച്ചിറ ഡിസ്പെൻസറിക്ക് സമീപം ചൊവ്വാഴ്ച രാത്രി എട്ടിനാണ് സംഭവം. സുരേഷും മറ്റ് അഞ്ച് പേരും ഡിസ്പെൻസറിക്ക് സമീപത്തെ കലുങ്കിൽ ഇരിക്കുന്നതിനിടെ പട്രോളിങ് പൊലീസ് എത്തിയപ്പോൾ എല്ലാവരും ചിതറിയോടുകയായിരുന്നു. ഇതിൽ രണ്ട് പേരെ പൊലീസ് പിടികൂടി. പിന്നീട് സുരേഷ് ഒഴികെയുള്ളവരെല്ലാം വീട്ടിൽ എത്തി.
സുരേഷിനെ കണ്ടെത്താൻ തിരച്ചിൽ നടത്തുന്നതിനിടെ ഡിസ്പെൻസറിക്ക് സമീപത്തെ പറമ്പിൽ മരിച്ച നിലയിൽ കണ്ടെത്തുകയായിരുന്നു. തുടർന്ന് മൃതദേഹം തിരൂർ ജില്ല ആശുപത്രിയിൽ എത്തിച്ച് പോസ്റ്റുമോർട്ടത്തിനായി കോഴിക്കോട് മെഡിക്കൽ കോളജ് ആശുപത്രി മോർച്ചറിയിലേക്ക് മാറ്റി. ഭാര്യ: ജിഷ. ഒരു മകനുണ്ട്. മാതാവ്: കാർത്യായനി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.