ബിനോയ് വിശ്വത്തിനെതിരെ ഓഡിയോ സന്ദേശം: ക​മ​ല സ​ദാ​ന​ന്ദ​നോടും കെ.​എം. ദി​ന​ക​ര​നോടും വിശദീകരണം തേടി; അച്ചടക്ക നടപടിയുമായി സി.പി.ഐ

തി​രു​വ​ന​ന്ത​പു​രം: സം​സ്ഥാ​ന സെ​ക്ര​ട്ട​റി ബി​നോ​യ്​ വി​ശ്വ​ത്തി​നെ​തി​രാ​യ വി​വാ​ദ ഫോ​ൺ സം​ഭാ​ഷ​ണ​ത്തി​ൽ ശക്തമായ നടപടിയുമായി സി.​പി.​ഐ. അച്ചടക്ക നടപടിയുടെ ഭാഗമായി സം​സ്ഥാ​ന നി​ർ​വാ​ഹ​ക സ​മി​തി അം​ഗം ക​മ​ല സ​ദാ​ന​ന്ദ​നും എ​റ​ണാ​കു​ളം ജി​ല്ല സെ​ക്ര​ട്ട​റി കെ.​എം. ദി​ന​ക​ര​നും കാരണം കാണിക്കൽ നോട്ടീസ് നൽകി.

എ​റ​ണാ​കു​ളം ജി​ല്ല ക​മ്മി​റ്റി​യി​ൽ നി​ന്ന്​ വി​ശ​ദീ​ക​ര​ണം തേ​ടി​യ നേ​തൃ​ത്വം സം​ഭ​വം അ​ന്വേ​ഷി​ക്കാ​ൻ​ സം​സ്ഥാ​ന നേ​താ​ക്ക​ളെ ചു​മ​ത​ല​പ്പെ​ടു​ത്തും. നി​ല​മ്പൂ​ർ ഉ​പ​തെ​ര​ഞ്ഞെ​ടു​പ്പി​ന്​ പി​ന്നാ​ലെ​യാ​കും അ​ന്വേ​ഷ​ണ​ത്തി​നു​ള്ള നേ​താ​ക്ക​ളെ നി​ശ്ച​യി​ക്കു​ക. അ​ന്വേ​ഷ​ണ ശേ​ഷം ബ​ന്ധ​പ്പെ​ട്ട​വ​ർ​ക്കെ​തി​രെ ക​ർ​ശ​ന ന​ട​പ​ടി​യു​​ണ്ടാ​കു​മെ​ന്നാ​ണ്​ വി​വ​രം. ശ​ക്ത​മാ​യ ന​ട​പ​ടി വേ​ണ​മെ​ന്നാ​ണ്​ പാ​ർ​ട്ടി​യി​ലെ പൊ​തു​വി​കാ​ര​വും.

അ​തേ​സ​മ​യം, പാ​ർ​ട്ടി​യി​ലെ ചേ​രി​പ്പോ​ര്​ സ​മ്മേ​ള​ന​കാ​ല​ത്ത്​ പൊ​തു​ച​ർ​ച്ച​യാ​കാ​തി​രി​ക്കാ​ൻ നേ​തൃ​ത്വം നീ​ക്ക​വും തു​ട​ങ്ങി. ത​നി​ക്ക​റി​യു​ന്ന നേ​താ​ക്ക​ൾ ഇ​ങ്ങ​നെ സം​സാ​രി​ക്കി​ല്ലെ​ന്നും മാ​ധ്യ​മ​ങ്ങ​ൾ​ക്ക്​ ആ​ളു​മാ​റി​യ​താ​ണെ​ന്നുമാണ് ബി​നോ​യ്​ വി​ശ്വം​ പ​്രതികരിച്ചത്. ബി​നോ​യ്​ വി​ശ്വ​ത്തി​നു ​പ​ക​രം പു​തി​യ സെ​ക്ര​ട്ട​റി വ​ര​ണ​മെ​ന്ന്​ സൂ​ചി​പ്പി​ച്ച്, ക​മ​ല സ​ദാ​ന​ന്ദ​നും കെ.​എം. ദി​ന​ക​ര​നും ത​മ്മി​ൽ ന​ട​ന്ന സം​ഭാ​ഷ​ണ​മാ​ണ്​ പു​റ​ത്തായത്. മ​ണ്ഡ​ലം സ​മ്മേ​ള​ന​ങ്ങ​ൾ പൂ​ർ​ത്തീ​ക​രി​ച്ച്​​ ജി​ല്ല സ​മ്മേ​ള​ന​ങ്ങ​ളി​ലേ​ക്ക്​ ക​ട​ക്കാ​നി​രി​ക്കെ, പു​റ​ത്തു​വ​ന്ന ഫോ​ൺ സം​ഭാ​ഷ​ണ​ത്തെ ഗൗ​ര​വ​ത്തി​ലാ​ണ്​ നേ​തൃ​ത്വം കാ​ണു​ന്ന​ത്.

മുൻ ജില്ല സെക്രട്ടറി പി. രാജുവിന്‍റെ മരണം വിവാദമാക്കുകയും ചിലർ ഇതിന്‍റെ പേരിൽ പാർട്ടിയെ പ്രതിക്കൂട്ടിലാക്കുകയും ചെയ്തു എന്ന കണ്ടെത്തലിന്‍റെ അടിസ്ഥാനത്തിൽ ജില്ലയിലെ 20ലധികം പേർക്കെതിരെ രണ്ട്​ മാസത്തിനിടെ നടപടി എടുത്തിരുന്നു. പാർട്ടിയുടെ ശക്​തികേ​​ന്ദ്രമായ പറവൂർ ​കേന്ദ്രീകരിച്ച്​ ഏറെ നാളായി കെ.ഇ. ഇസ്മയിൽ പക്ഷവും കാനം രാജേന്ദ്രനെ അനുകൂലിച്ചിരുന്നവരും തമ്മിൽ ചേരിതിരിഞ്ഞ്​ വിഭാഗീയ പ്രവർത്തനങ്ങൾ രൂക്ഷമാണ്​. ഇതാണ്​ ഇപ്പോൾ നേതാക്കൾക്കിടയിലെ തമ്മിലടിയിലേക്ക്​ വഴിമാറിയിരിക്കുന്നത്​. നേതാക്കളുടെ ഫോൺ സംഭാഷണം വിഭാഗീയതയുടെ ഭാഗമായി ചിലർ ആസൂത്രിതമായി പുറത്തുവിടുകയായിരുന്നു എന്നും പറയപ്പെടുന്നു.

"ബിനോയിയോട്​ ചോദിച്ചിട്ട്​ വേണോ അച്ചടക്ക നടപടിയെടുക്കാൻ, ചോദിക്കാൻ അവൻ സ്​റ്റേറ്റ്​ കൗൺസിലൊന്നും അല്ലല്ലോ, സഹോദരി​ ബീനയെയും കൂട്ടി ബിനോയിയെ കാണാൻ പോകുന്ന ആൾക്കാരുണ്ട്​, ഭരണത്തിൽ ബീന ഇടപെടാൻ തുടങ്ങിയാൽ ബാക്കിയുള്ളവർ എന്ത്​ ചെയ്യും, എക്സിക്യൂട്ടീവിൽ പലർക്കും ബിനോയിയോട്​ ഇഷ്ടക്കുറവുണ്ട്​, അദ്ദേഹത്തിന്​ സെക്രട്ടറി സ്ഥാനംകൊണ്ട്​ നടക്കാൻ കഴിയുന്നില്ല, പി. സന്തോഷ്​ കുമാറിനെ സംസ്ഥാന സെക്രട്ടറിയാക്കാൻ പറ്റും, അദ്ദേഹം കമ്യൂണിസ്​റ്റ്​ മൂല്യമുള്ളയാളാണ്, ബിനോയ്​ വിശ്വം നശിച്ച് നാണം കെട്ട്​ ഇറങ്ങിപ്പോകുകയേ ഉള്ളൂ"- തുടങ്ങിയ പരാമർശങ്ങളാണ്​ പ്രധാനമായും കമലയും ദിനകരനും തമ്മിലുള്ള സംഭാഷണത്തിലുള്ളത്​.

ബാക്കിയുള്ളവർ എങ്ങനെയായാലും കുഴപ്പമില്ല, ബിനോയിക്ക്​ താൻ​ പുണ്യാളനാകണമെന്നാണ്​ ചിന്തയെന്ന​ മറ്റൊരു നേതാവിന്‍റെ പ്രതികരണവും സംഭാഷണത്തിലുണ്ട്​. ശബ്​ദസംഭാഷണം പാർട്ടിയിൽ പുതിയ ചർച്ചകൾക്ക്​ വഴിവെച്ചിട്ടു​ണ്ടെങ്കിലും ഇതേക്കുറിച്ച്​ അറിയില്ലെന്നാണ്​ കമലയുടെയും ദിനകരന്‍റെയും നിലപാട്​.