കൊച്ചി: രണ്ടില ചിഹ്നം കേരള കോൺഗ്രസ് ജോസ് കെ. മാണി വിഭാഗത്തിന് അനുവദിച്ചു. ഹൈകോടതി ഡിവിഷൻ ബെഞ്ചിേന്‍റതാണ് ഉത്തരവ്. രണ്ടില ചിഹ്നം ജോസ് വിഭാഗത്തിന് അനുവദിച്ച തെരഞ്ഞെടുപ്പ് കമീഷന്‍റെ തീരുമാനം സിംഗിൾ െബഞ്ച് ശരിവെച്ചിരുന്നു. ഇതിനെതിരെ പി.ജെ. ജോസഫ് വിഭാഗം അപ്പീൽ സമർപ്പിക്കുകയായിരുന്നു.
തെരഞ്ഞെടുപ്പ് കമീഷന്‍റെ തീരുമാനത്തിൽ ഇടപെടാനാകില്ലെന്ന് കോടതി വ്യക്തമാകി. പാർട്ടിക്ക് കരുത്ത് നൽകുന്നതാണ് രണ്ടില ചിഹ്നം അനുവദിച്ചുകൊണ്ടുള്ള വിധിയെന്ന് ജോസ് കെ. മാണി പ്രതികരിച്ചു.
തദ്ദേശ തെരഞ്ഞെടുപ്പിൽ ജോസ് വിഭാഗം രണ്ടില ചിഹ്നത്തിലാണ് മത്സരത്തിനിറങ്ങിയത്. തെരഞ്ഞെടുപ്പിന് തൊട്ടുമുമ്പ് സിംഗിൾ ബെഞ്ച് ഉത്തരവിട്ടതിനെ തുടർന്നായിരുന്നു അത്. ഡിവിഷൻ ബെഞ്ച് വിധികൂടി വന്നതോടെ നിയമസഭ തെരഞ്ഞെടുപ്പിൽ ജോസ് വിഭാഗം രണ്ടില ചിഹ്നത്തിലാകും മത്സര രംഗത്തിറങ്ങുക.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.