അടിമാലി: ബൈക്കില് സാഹസിക റൈഡ് നടത്തുന്നതിനിടെ തെറിച്ചുവീണ് യുവതി മരിച്ചു. തൃപ്പൂണിത്തുറ വടക്കേഭാഗം മല് ലശ്ശേരിപറമ്പില് പരേതനായ രാജേന്ദ്രെൻറ മകള് ചിപ്പി രാജേന്ദ്രനാണ് (23) മരിച്ചത്. ശനിയാഴ്ച രാവിലെ 11ഒാടെ അടി മാലി കൂമ്പന്പാറക്ക് സമീപം ഹില്ടോപ്പ് അഡ്വഞ്ചർ എന്ന ബൈക്ക് റൈഡിങ് സ്ഥാപനത്തിലാണ് സംഭവം.
മൂന്നാര് സന്ദര്ശിക്കാന് എത്തിയതായിരുന്നു ചിപ്പിയും സുഹൃത്തുക്കളും. കൂമ്പന്പാറയില് എത്തിയപ്പോൾ റൈഡിങ് സ്ഥാപനത്തെക്കുറിച്ച് അറിഞ്ഞ് സുഹൃത്തുമായി ഇവിടെ കയറുകയായിരുന്നു. സാഹസിക റൈഡിൽ ഏർപ്പെട്ടിരിക്കെ ചിപ്പി ബൈക്കില്നിന്ന് തെറിച്ച് വീഴുകയായിരുന്നുവെന്ന് ദൃക്സാക്ഷികള് പറഞ്ഞു. തലക്കും മുഖത്തും ഗുരുതര പരിക്കേറ്റ യുവതിയെ ആദ്യം അടിമാലിയിലെ സ്വകാര്യ ആശുപത്രിയില് എത്തിച്ചു. തുടര്ന്ന് വിദഗ്ധ ചികിത്സക്കായി എറണാകുളത്തേക്ക് കൊണ്ടുപോകുന്നതിനിടെ മരിച്ചു.
ആലുവ രാജഗിരി ആശുപത്രിയിലെ ജീവനക്കാരിയാണ്. ഒരുമാസം മുമ്പാണ് ജോലിയില് ചേര്ന്നത്. തൃപ്പൂണിത്തുറ നഗരസഭ സ്ഥിരം സമിതി അധ്യക്ഷ നിഷ രാജേന്ദ്രനാണ് മാതാവ്. സഹോദരൻ: നിജു. മൃതദേഹം പെരുമ്പാവൂരിലെ സ്വാകാര്യ ആശുപത്രി മോര്ച്ചറിയിൽ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.