മാമുക്കോയയെ കോഴിക്കോട്ടെ ആശുപത്രിയിലേക്ക് മാറ്റി

കോഴിക്കോട്: മലപ്പുറത്ത് സെവൻസ് ഫുട്ബോൾ മത്സരം ഉദ്ഘാടനം ചെയ്യുന്നതിനിടെ കുഴഞ്ഞു വീണ സിനിമാതാരം മാമുക്കോയയെ കോഴിക്കോട്ടെ സ്വകാര്യാശുപത്രിയിലേക്ക് മാറ്റി. ഹൃദയാഘാതത്തെ തുടർന്നായിരുന്നു മാമുക്കോയ കുഴഞ്ഞു വീണത്. മലപ്പുറം വണ്ടൂരിലെ സ്വകാര്യ ആശുപത്രിയിലെ തീവ്രപരിചരണ വിഭാഗത്തിൽ ചികിത്സ തുടരുന്നതിനി​ടെയാണ് കോഴിക്കോട്ടേക്ക് മാറ്റിയത്.

വെന്റിലേറ്റർ സൗകര്യമുള്ള ആംബുലൻസിലാണ് കോഴിക്കോട്ടേക്ക് കൊണ്ടുപോയത്. കാളികാവ് പൂങ്ങോട് സെവൻസ് ഫുട്ബോൾ മത്സരം ഉദ്ഘാടനം ചെയ്യുന്നതിനിടെയാണ് ഹൃദയാഘാതമുണ്ടായത്. മിനിട്ടുകൾക്കുള്ളിൽ വണ്ടൂരിലെ നിംസ് ആശുപത്രിയിലെത്തിച്ചു. ഭാര്യയും മക്കളും ബന്ധുക്കളും സുഹൃത്തുക്കളും വണ്ടൂരിലെ ആശുപത്രിയിൽ എത്തിയിരുന്നു.