ഉരുവച്ചാൽ: ഒന്നാം പിറന്നാൾ ആഘോഷിക്കുന്ന മകനുമായി ക്ഷേത്രത്തിൽ പോയി വരുന്നതിനിടെ സൈനികനായ പിതാവ് വാഹനാപകടത്തിൽ മരിച്ചു. ഉരുവച്ചാൽ പഴശ്ശി കാഞ്ഞിരത്തിൻകീഴിൽ മുളിയിൽ ഇളമ്പയിൽ വീട്ടിൽ പി.വി. പ്രശോഭ് (30) ആണ് മരിച്ചത്. ബൈക്കിൽ കൂടെയുണ്ടായിരുന്ന ഭാര്യ ശ്രുതിക്കും മകൻ ആരവ് കൃഷ്ണക്കും നിസ്സാര പരിേക്കറ്റു. ഉച്ചക്ക് നടക്കുന്ന പിറന്നാൾ ആഘോഷിക്കാനുള്ള ഒരുക്കത്തിലായിരുന്നു കുടുംബം.
ബുധനാഴ്ച രാവിലെ 10ന് ഉരുവച്ചാൽ^-മട്ടന്നൂർ റോഡിൽ െനടുവോട്ടുകുന്നിലായിരുന്നു അപകടം. ബൈക്കും സ്കൂട്ടറും കൂട്ടിയിടിച്ച് തെറിച്ചുവീണ പ്രശോഭിെൻറ ദേഹത്തിലൂടെ പിറകെ വന്ന ലോറി കയറിയിറങ്ങുകയായിരുന്നു. ഉടൻ ആശുപത്രിയിൽ എത്തിച്ചെങ്കിലും മരിച്ചു. സ്കൂട്ടർ യാത്രക്കാരി ഉരുവച്ചാൽ ബാവോട്ടുപാറയിലെ ദിവ്യയെ (22) കണ്ണൂരിലെ സ്വകാര്യ ആശുപത്രിയിൽ പ്രവേശിപ്പിച്ചു.പഴശ്ശിയിലെ പ്രഭാകരെൻറയും ശാന്തയുടെയും മകനാണ്. ഭാര്യ ശ്രുതി മൂന്നുപെരിയ സ്വദേശിനിയാണ്. സഹോദരങ്ങൾ: പ്രവിൻ, ഷംന. സംസ്കാരം വ്യാഴാഴ്ച ഉച്ചക്ക് 12ന് വീട്ടുവളപ്പിൽ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.