കൽപറ്റ: ക്വാട്ടേഴ്സിന്റെ മുകളിൽ കയറി ശീമക്കൊന്നയുടെ കൊമ്പ് മുറിക്കുന്നതിനിടെ വൈദ്യുതാഘാതമേറ്റ് മധ്യവയസ്കൻ മരിച്ചു. രക്ഷിക്കാൻ ശ്രമിച്ച മകന് ഗുരുതര പൊള്ളലേറ്റു. കൽപറ്റ ഫാത്തിമ ആശുപത്രിക്ക് സമീപം താമസിക്കുന്ന ഷാജി (51) ആണ് മരിച്ചത്. ഞായറാഴ്ച വൈകീട്ട് ആറോടെയാണ് അപകടം.
ശീമക്കൊന്നയുടെ കൊമ്പ് മുറിക്കുന്നതിനിടെ വൈദ്യുതാഘാതമേൽക്കുകയായിരുന്നു. ഇതുകണ്ട് ഓടിയെത്തി രക്ഷപ്പെടുത്താനുള്ള ശ്രമത്തിനിടെയാണ് മകൻ അക്ഷയ് (17) ക്ക് പരിക്കേറ്റത്. ഷാജിയെ ഉടൻ സമീപത്തെ സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. കൈക്കും കാലിനും പൊള്ളലേറ്റ അക്ഷയ് ആശുപത്രിയിൽ ചികിത്സയിലാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.