പരപ്പനങ്ങാടി (മലപ്പുറം): വിലക്ക് ലംഘിച്ച് രാത്രി തറാവീഹ് നമസ്കാരം നടത്തിയ അഞ്ചുപേർ പി ടിയിൽ. ചാപ്പപ്പടി ഹിദായ നഗറിലെ പള്ളിയിൽ രഹസ്യമായി നമസ്കാരം നടത്തിയ അബ്ദുൽ ഷുക്കൂർ, സെയ്തലവി, അബ്ദുറഹിമാൻ, കബീർ, മുഹമ്മദ് അഷ്റഫ് എന്നിവരെയാണ് പരപ്പനങ്ങാടി പൊലീസ് അറസ്റ്റ് ചെയ്തത്.
വാതിലുകളും ജനലുകളും അടച്ച് ലൈറ്റണച്ച ശേഷമായിരുന്നു പ്രാർഥന. രണ്ടുവർഷം വരെ തടവും 10,000 രൂപ പിഴയും ലഭിക്കാവുന്ന കുറ്റമാണിതെന്നും കേസ് എടുത്ത് ജാമ്യത്തിൽ വിട്ടതായും പൊലീസ് അറിയിച്ചു.
കഴിഞ്ഞദിവസം മറ്റൊരു പള്ളിയിൽ തറാവീഹ് നമസ്കാരം നടത്തിയ ഏഴുപേരെ പരപ്പനങ്ങാടി പൊലീസ് പിടികൂടിയിരുന്നു. ചെട്ടിപ്പടിയിൽ ഹെൽത്ത് സെൻററിന് സമീപത്തെ നമസ്കാര പള്ളിയിലായിരുന്നു സംഭവം.
ഇത് കൂടാതെ ചങ്ങരംകുളത്ത് അഞ്ചുപേരെയാണ് കഴിഞ്ഞദിവസം കസ്റ്റഡിയിലെടുത്തത്. ചിയ്യാനൂരില് കൂട്ടംചേര്ന്ന് പള്ളിയില് പ്രാര്ഥന നടത്തുന്നത് അറിഞ്ഞ് ചങ്ങരംകുളം സി.ഐ ബഷീര് ചിറക്കലിെൻറ നേതൃത്വത്തിലെ സംഘം എത്തിയാണ് പരിസരവാസികളായ അഞ്ചുപേരെ കസ്റ്റഡിയിൽ എടുത്തത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.