കെ.പി. ഗിരീഷ്
എടത്വാ: വീട്ടിൽ സൂക്ഷിച്ച 36 കുപ്പി വിദേശമദ്യം പൊലീസ് പിടിച്ചു. സംഭവത്തിൽ തലവടി പഞ്ചായത്ത് രണ്ടാം വാർഡിൽ കരിക്കുഴി പറത്തറ പറമ്പിൽ കെ.പി. ഗിരീഷിനെ എടത്വാ പൊലീസ് അറസ്റ്റ് ചെയ്തു.
മദ്യം വിപ്പനക്കായി വീട്ടിൽ സൂക്ഷിച്ചിട്ടുണ്ടെന്ന രഹസ്യ വിവരത്തെ തുടർന്ന് പൊലീസ് കഴിഞ്ഞ ദിവസം നടത്തിയ പരിശോധയിലാണ് ഗിരീഷിന്റെ വീട്ടിലും പരിസരങ്ങളിലും സൂക്ഷിച്ച മദ്യം കണ്ടെത്തിയത്. ബിവറേജസ് ഔട്ട്ലെറ്റിൽ നിന്ന് വാങ്ങുന്ന മദ്യം ആവശ്യക്കാർക്ക് ഗിരീഷ് എത്തിച്ചു നൽകിയിരുന്നു. അറസ്റ്റിലായ ഗിരീഷിനെ പിന്നീട് റിമാന്റ് ചെയ്തു.
എടത്വാ എസ്.ഐ സജികുമാർ, എ.എസ്.ഐ സജി കുമാർ, സി.പി.ഒമാരായ രാജേഷ്, അജിത്ത്, അലക്സ് വർക്കി എന്നിവർ പരിശോധനക്ക് നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.