പാപ്പിനിശ്ശേരി: വീട്ടുമുറ്റത്ത് നിർത്തിയിട്ട മൂന്ന് ബൈക്കുകൾ അജ്ഞാതർ തീയിട്ട് നശിപ്പിച്ചു. ഇരിണാവ് പയ്യട്ടത്തെ ചെയ്യാപ്പുറത്ത് കുഞ്ഞിക്കണ്ണന്റെ വീട്ടുമുറ്റത്ത് നിർത്തിയിട്ട മൂന്നു ബൈക്കുകളാണ് കത്തിച്ചത്. ഒരു ബൈക്ക് ഭാഗികമായും സ്കൂട്ടറും ബൈക്കും പൂർണമായും കത്തിനശിച്ച നിലയിലാണ്. സഹോദരങ്ങളായ രാജീവന്റെയും സജീവന്റെയും അയൽക്കാരനായ രവീന്ദ്രന്റെയും വാഹനങ്ങളായിരുന്നു ഇവ. അയൽക്കാരനായ രവീന്ദ്രൻ സ്ഥിരമായി ഇവിടെയാണ് വാഹനം സൂക്ഷിക്കാറുണ്ടായിരുന്നത്.
രാതി ഒരു മണിയോടെ സജീവന്റെ ഭാര്യ നിഷയാണ് തീ കത്തുന്നത് കണ്ടത്. പൊലീസ് സംഘം സ്ഥലത്തെത്തി അന്വേഷണം നടത്തിവരുന്നു. ഫോറൻസിക്ക് വിദഗ്ധരും പോലീസ് നായയും അന്വേഷണത്തിനായി എത്തും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.