മധ്യവയസ്കൻ കുഴഞ്ഞുവീണു മരിച്ചു

പെരുമ്പാവൂർ: വാക്കു തർക്കത്തിന് പിന്നാലെ മധ്യവയസ്കൻ കുഴഞ്ഞുവീണു മരിച്ചു. കല്ലിടുമ്പിൽ നെടുങ്ങപ്ര കുറുപ്പുംപടിയിൽ നാരായണൻ (58) ആണ് മരിച്ചത്. രാവിലെ ഒമ്പതരയോടെയായിരുന്നു സംഭവം.

രാവിലെ കുറുപ്പുംപടിയിൽവെച്ച് നെടുങ്ങപ്ര കോഴിപ്പിള്ളിവീട്ടിൽ ബേബിയുമായി നാരായണൻ വാക്കുതർക്കത്തിൽ ഏർപ്പെട്ടിരുന്നു. തുടർന്ന് നാരായണനെ ബേബി തള്ളി താഴെയിടുകയും ചെയ്തു. നിലത്തുനിന്നും എഴുന്നേറ്റ് നടന്നു പോയ നാരായണൻ പിന്നീട് കുഴഞ്ഞു വീഴുകയായിരുന്നു.

സംഭവം വാർത്തയായതോടെ ബേബി ആശുപത്രിയിൽ അഡ്മിറ്റായി. ബന്ധുക്കളുടെ ആവശ്യത്തെ തുടർന്ന് നാരായണന്‍റെ മൃതദേഹം ആലപ്പുഴ മെഡിക്കൽ കോളജിൽ പോസ്റ്റ്മോർട്ടം ചെയ്യാൻ കുറുപ്പുംപടി പൊലീസ് തീരുമാനിച്ചു.