കണ്ണൂർ: പയ്യന്നൂരിലെ ബി.ജെ.പി പ്രവര്ത്തകന് സി.കെ രാമചന്ദ്രനെ കൊലപ്പെടുത്തിയ കേസില് രണ്ട് സി.പി.എം പ്രവർത്തകർ അറസ്റ്റിൽ. പയ്യന്നൂര് കൂക്കാനം സ്വദേശി റിജു, വെളളൂര് പെരളം സ്വദേശി ഗിരീഷ് എന്നിവരാണ് അറസ്റ്റിലായത്. ഇവരെ നാളെ കോടതിയില് ഹാജരാക്കും.
28 പേര്ക്കെതിരെയാണ് പൊലീസ് കേസ്. ഇതില് ആറുപേര്ക്ക് കൊലപാതകവുമായി നേരിട്ട് ബന്ധമുണ്ടെന്ന് പൊലീസ് പറഞ്ഞു. ഇവരില് രണ്ട് പേരെയാണ് ഇന്ന് അന്വേഷണ സംഘം അറസ്റ്റ് ചെയ്തത്. മറ്റുളള പ്രതികള്ക്കായി അന്വേഷണം ഊര്ജ്ജിതമാക്കി.
സി.പി.എം പ്രവര്ത്തകന് ധനരാജിനെ കൊലപ്പെടുത്തിയതിലുള്ള പ്രതികാരമായാണ് രാമചന്ദ്രനെ കൊന്നതെന്ന് അറസ്റ്റിലായവര് പൊലീസിന് മൊഴി നല്കി. ധനരാജ് കൊലപാതകത്തില് നാല് ബി.ജെ.പി പ്രവര്ത്തകരെ നേരത്തെ പൊലീസ് അറസ്റ്റ് ചെയ്തിരുന്നു. കഴിഞ്ഞ മാസം 11നായിരുന്നു പയ്യന്നൂരില് രാഷ്ട്രീയ സംഘര്ഷത്തെ തുടര്ന്ന് രണ്ട് പേര് കൊല്ലപ്പെട്ടത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.