കരുനാഗപ്പള്ളി: ബി.ജെ.പി ദേശീയ അധ്യക്ഷന് അമിത്ഷായും എസ്.എന്.ഡി.പി യോഗം ജനറല് സെക്രട്ടറി വെള്ളാപ്പള്ളി നടേശനും കൂടിക്കാഴ്ച നടത്തി. അമൃതാനന്ദമയിയുടെ പിറന്നാള് ആഘോഷം നടക്കുന്ന വേദിക്കരികില് വി.ഐ.പികള്ക്ക് വിശ്രമിക്കാനൊരുക്കിയ പ്രത്യേക സ്ഥലത്തിരുന്ന് ഇരുവരും ഒരു മണിക്കൂറോളം ചര്ച്ച നടത്തി.
ഞായറാഴ്ച രാവിലെ 9.30ഓടെയാണ് വെള്ളാപ്പള്ളി അമൃതാനന്ദമയിമഠത്തില് എത്തിയത്. 10ഓടെ അമിത്ഷായും എത്തി. ആഘോഷപരിപാടികള് ആരംഭിക്കുന്നത് 11 മണിയോടെയാണ്. ഈ സമയത്തിനിടയിലായിരുന്നു ചര്ച്ച. ഡല്ഹിയില് വെള്ളാപ്പള്ളിയും അമിത്ഷായും കൂടിക്കാഴ്ച നടത്തിയതിന്െറ തുടര്ച്ചയായാണ് ഞായറാഴ്ചത്തെ കൂടിക്കാഴ്ച. മലബാര് മേഖലയില് തദ്ദേശ തെരഞ്ഞെടുപ്പില് എസ്.എന്.ഡി.പി- ബി.ജെ.പി കൂട്ടുകെട്ട് ഉണ്ടാകുമെന്നാണ് സൂചന.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.