തൃശൂർ: എസ്.എൻ.ഡി.പി യോഗം ജനറൽ സെക്രട്ടറി വെള്ളാപ്പള്ളി നടേശൻ നടത്തുന്ന സമത്വ മുന്നേറ്റ യാത്രയെ തള്ളി യോഗക്ഷേമ സഭ. യാത്രയുമായി സഹകരിക്കുന്ന സഭയുടെ പ്രസിഡൻറ് അക്കീരമൺ കാളിദാസ ഭട്ടതിരിപ്പാട് സ്ഥാനം രാജിവെച്ചുവെന്ന് ജനറൽ സെക്രട്ടറി മധു അരുവിക്കര തൃശൂരിൽ വാർത്താസമ്മേളനത്തിൽ അറിയിച്ചു. അടുത്ത ജനറൽ കൗൺസിൽ യോഗം വരെ വൈസ് പ്രസിഡൻറ് എസ്.കെ.എം. രാമന് പ്രസിഡൻറിെൻറ ചുമതല നൽകിയിട്ടുണ്ട്.
സമത്വ മുന്നേറ്റ യാത്രയിൽ ഉയർത്തുന്ന ചില ആശയങ്ങളോട് ആഭിമുഖ്യമുണ്ട്. എന്നാൽ, യാത്രയുമായി സഭക്ക് ബന്ധമില്ല. സഭാംഗങ്ങൾ അതുമായി സഹകരിക്കുന്നില്ല. യാത്രയിലേക്ക് സഭക്ക് ക്ഷണം കിട്ടിയിട്ടില്ല. അക്കീരമൺ അതുമായി സഹകരിക്കുന്നത് അദ്ദേഹത്തിെൻറ വ്യക്തിപരമായ തീരുമാനവും താൽപര്യവും അനുസരിച്ചാണ്. ഈമാസം 10ന് ചേർന്ന യോഗം ഇക്കാര്യം ചർച്ച ചെയ്ത് തള്ളിയതാണ്. വെള്ളാപ്പള്ളി നടേശൻ രൂപവത്കരിക്കുമെന്ന് പറയുന്ന പാർട്ടിയോട് നിലപാട് എന്തായിരിക്കണമെന്ന് ആലോചിച്ചിട്ടേയില്ലെന്നും മധു അരുവിക്കര പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.