പെരിന്തല്മണ്ണ: സ്വാതന്ത്ര്യദിനത്തില് ബി.ജെ.പി പതാകക്കുമേല് ദേശീയപതാക കെട്ടിയ രണ്ട് ബി.ജെ.പി പ്രവര്ത്തകരെ പെരിന്തല്മണ്ണ പൊലീസ് അറസ്റ്റ് ചെയ്തു. വാളാംകുളം സ്വദേശികളായ ബംഗ്ളാവില് അരവിന്ദന് (40), കണക്കപള്ളിയലില് രതീഷ് (30) എന്നിവരെയാണ് അറസ്റ്റ് ചെയ്തത്. ആനമങ്ങാട് വാളാംകുളം അങ്ങാടിയിലാണ് ദേശീയപതാകയെ അനാദരിച്ചത്. അങ്ങാടിയിലെ ബി.ജെ.പി കൊടിമരത്തില് പാര്ട്ടിയുടെ കൊടി കെട്ടിയിരുന്നു. ഇതിനോട് ചേര്ത്ത് മുകളിലായി സ്വാതന്ത്ര്യദിനത്തില് രാവിലെ ദേശീയപതാക കൂട്ടിക്കെട്ടുകയായിരുന്നു. നാട്ടുകാര് പൊലീസിനെ അറിയച്ചതിനാലാണ് അറസ്റ്റ് രേഖപ്പെടുത്തിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.