കാലടി: ഒമ്പതാം ക്ളാസ് വിദ്യാര്ഥിനിയെ ലൈംഗികമായി പീഡിപ്പിച്ചെന്ന പരാതിയില് പ്ളസ് ടു വിദ്യാര്ഥികളായ അഞ്ചുപേരെ പൊലീസ് അറസ്റ്റ്ചെയ്തു. നീലീശ്വരം എസ്.എന്.ഡി.പി ഹൈസ്കൂളില് കൗണ്സലിങ് നടത്തുന്നതിനിടെയാണ് വിദ്യാര്ഥിനി അധ്യാപികയോട് പീഡനവിവരം പറഞ്ഞത്.
കാമുകനായ വിദ്യാര്ഥി വീടിന് സമീപത്തെ ആളൊഴിഞ്ഞ പറമ്പില് ആദ്യം ശാരീരികമായി പീഡിപ്പിച്ചു. തുടര്ന്ന്, മറ്റ് സുഹൃത്തുക്കളായ വിദ്യാര്ഥികളോട് സംഭവം പറഞ്ഞു. പീഡനവിവരം പുറത്തുപറയുമെന്ന് ഭീഷണിപ്പെടുത്തിയാണ് മറ്റ് നാലുപേരും പീഡിപ്പിച്ചത്.
കാമുകനും മറ്റൊരു പ്രതിയും നീലീശ്വരം എസ്.എന്.ഡി.പി സ്കൂള് വിദ്യാര്ഥികളാണ്. അറസ്റ്റിലായ വിദ്യാര്ഥികള് ദൃശ്യങ്ങള് വാട്സ്ആപ്പ് വഴി പ്രചരിപ്പിച്ചതായി പൊലീസ് പറഞ്ഞു.
അഞ്ച് വിദ്യാര്ഥികളെയും കാക്കനാട് ജുവനൈല് ജസ്റ്റിസ് ബോര്ഡിന് മുന്നില് ഹാജരാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.