കൊല്ലങ്കോട് പാവടിയിൽ പൊട്ടിവീണ 11 കെ.വി വൈദ്യുത ലൈൻ
കൊല്ലങ്കോട്: പാവടി അംഗൻവാടിക്ക് സമീപം 11 കെ.വി വൈദ്യുത ലൈൻ പൊട്ടിവീണു. വെള്ളിയാഴ്ച രാത്രി പത്തരയോടെയാണ് സംഭവം. നെടുമണി സബ്സ്റ്റേഷനിൽനിന്ന് പാവടി, താടിപ്പറമ്പ്, മീനിക്കോട് തുടങ്ങിയ പ്രദേശങ്ങളിലേക്ക് വൈദ്യുതി എത്തിക്കുന്ന ലൈനാണ് പൊട്ടി പാടത്ത് വീണത്. സംഭവ സമയത്ത് അതുവഴി കടന്നുപോയിരുന്ന പ്രദേശവാസികൾ തലനാരിഴക്കാണ് രക്ഷപ്പെട്ടത്.
തകർന്ന വൈദ്യുത ലൈനിൽനിന്ന് ഒരാഴ്ചയിലധികമായി തീപ്പൊരി ഉണ്ടാകുന്നത് നാട്ടുകാർ കെ.എസ്.ഇ.ബിയിൽ അറിയിച്ചിരുന്നെങ്കിലും ഉദ്യോഗസ്ഥർ എത്തി പരിശോധിച്ചതല്ലാതെ മറ്റു നടപടി ഉണ്ടായിട്ടില്ല. ഉദ്യോഗസ്ഥരുടെ അനാസ്ഥയാണ് ലൈൻ പൊട്ടിവീഴാൻ കാരണമെന്ന് നാട്ടുകാർ പറയുന്നു.
ശനിയാഴ്ച രാവിലെ സ്ഥലത്തെത്തിയ വകുപ്പ് ഉദ്യോഗസ്ഥർ തകർന്ന ലൈനുകൾ മാറ്റിസ്ഥാപിച്ചു. പരാതി ലഭിച്ചാൽ നടപടി എടുക്കാറുണ്ടെന്നും പരിശോധന കൂടുതൽ ശക്തമാക്കുമെന്നും കെ.എസ്.ഇ.ബി അധികൃതർ പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.