സെമി കഴിഞ്ഞു; ഇനി ഫൈനൽ

വിശാല പ്രതിപക്ഷ െഎക്യത്തിനുള്ള തയാറെടുപ്പ്​
ബി.ജെ.പിവിരുദ്ധ ചേരിക്ക് ലോക്സഭ തെരഞ്ഞെടുപ്പിൽ സർക്കാറുണ്ടാക്കാൻ തക്ക ശക്തി നേടിയെടുക്കാൻ കഴിയുമെന്ന വിശ്വാസം വഴി വിശാല പ്രതിപക്ഷ െഎക്യത്തിലേക്ക് പുതിയ വാതിലുകൾ തുറന്നിരിക്കുന്നു. 21 പാർട്ടികൾ ഒരു വേദിയിൽ ഇതിനകം ഒന്നിച്ച് അണിനിരന്നിട്ടുണ്ട്. എന്നാൽ, കോൺഗ്രസി​​​​​​​​​​​​​െൻറ കുടക്കീഴിൽ, രാഹുലിനെ പ്രധാനമന്ത്രി സ്ഥാനാർഥിയായി ഉയർത്തിക്കാട്ടി ലോക്സഭ തെരഞ്ഞെടുപ്പിലേക്ക് നടക്കാൻ ഇനിയും സാധ്യത തെളിഞ്ഞിട്ടില്ല. പ്രാദേശിക കക്ഷികളുടെ കൂട്ടായ്മക്ക് ബി.ജെ.പിവിരുദ്ധ, കോൺഗ്രസിതര ബദൽ മുന്നണിയും സർക്കാറും രൂപവൽക്കരിക്കാൻ കഴിയുമെന്ന കാഴ്ചപ്പാടും ശക്തമാണ്​. ബി.ജെ.പി നയിക്കുന്ന എൻ.ഡി.എ സഖ്യത്തിനിപ്പോൾ പഴയ ശക്തിയില്ല. ഒറ്റക്ക് കേവല ഭൂരിപക്ഷം നേടിയതിനാൽ കഴിഞ്ഞ നാലര വർഷമായി ബി.ജെ.പി അവഗണിച്ചിട്ട പല പാർട്ടികളും നീരസത്തിലാണ്. ടി.ഡി.പി, പി.ഡി.പി, ആർ.എൽ.എസ്.പി എന്നിങ്ങനെ എൻ.ഡി.എ സഖ്യംവിട്ട്​ പുറത്തുചാടിയ കക്ഷികളുടെ എണ്ണം കൂടിയിട്ടുണ്ട്​.

പരമോന്നത നീതിപീഠത്തി​ലെ ഉൾ​േപാര്​ മറ നീക്കി പുറത്ത്​
നാലു മുതിർന്ന ജഡ്ജിമാർ സുപ്രീംകോടതി ചീഫ് ജസ്​റ്റിസിനെതിരെ യുദ്ധം പ്രഖ്യാപിച്ചത് 2018​​​​​​​​​​​​​െൻറ തുടക്കത്തിലാണ്. സുപ്രീംകോടതി ജഡ്​ജിമാർക്കിടയില ഭിന്നത പരസ്യമാക്കി സുപ്രീംകോടതിയിലെ നാല്​ ജഡ്​ജിമാർ അപ്പോഴത്തെ ചീഫ്​ ജസ്​റ്റിസ്​ ദീപക്​ മിശ്രക്കെതിരെ വാർത്താ സമ്മേളനം വിളിച്ചത്​ ജനുവരി നാലിനായിരുന്നു. നിർണായക കേസുകൾ ചീഫ്​ ജസ്​റ്റിസ്​ ദീപക്​ മിശ്ര മുതിർന്ന ജഡ്​ജിമാർക്ക്​ നൽകാതെ ജൂനിയർ ജഡ്​ജിമാരുടെ ബെഞ്ചിലേക്ക്​ വിടുന്നുവെന്നും സുപ്രീംകോടതിയിൽ കാര്യങ്ങൾ ശരിയാം വിധം നടക്കുന്നില്ലെന്നും ആരോപിച്ച്​ ജസ്​റ്റിസുമാരായ ജെ. ചെലമേശ്വർ, രഞ്​ജൻ ഗൊഗോയ്​, മദൻ ലോകുർ, കുര്യൻ ജോസഫ്​ എന്നിവരായിരുന്നു വാർത്താസമ്മേളനം വിളിച്ചത്​.

റിസർവ്​ ബാങ്ക്​ ഗവർണറുടെ രാജി
സ്വയംഭരണ സ്ഥാപനമായ റിസർവ് ബാങ്കിനെ വരുതിയിൽ കൊണ്ടുവരാനുള്ള ശ്രമം ഗവർണർ ഉൗർജിത്​ പ​േട്ടലി​​​​​​​​​​​​​​െൻറ രാജിയിൽ കലാശിച്ചു. ഡിസംബർ 10നാണ്​ ഉൗർജിത്​ പ​േട്ടൽ രാജി വെച്ചത്​. വ്യക്തിപരമായ കാരണങ്ങളാലാണ്​ രാജിയെന്നായിരുന്നു​ വിശദീകരണം. ആർ.ബി.​െഎയുടെ സ്വതന്ത്രാധികാരത്തിൽ കേന്ദ്ര സർക്കാർ ഇടപെടലുകൾ നടത്താൻ ശ്രമിക്കുന്നതാണ്​ ഉൗർജിത്​ പ​േട്ടലി​​​​​​​​​​​​​​െൻറ രാജിയിലെത്തിച്ചത്​.

സി.ബി.െഎ തലപ്പത്ത്​ ചേരിപ്പോര്​; ഡയറക്ടറെ മാറ്റി
സി.ബി.െഎ തലപ്പത്തെ ചേരിപ്പോരിനെ തുടർന്ന്​ ഡയറക്ടർ അലോക് വർമ തെറിച്ചത് ഒരു പാതിരാ അട്ടിമറിയിലൂടെയായിരുന്നു. അലോക് വർമയേയും സ്പെഷൽ ഡയറക്ടർ രാേകഷ് അസ്താനയേയും ഇരുവരും തമ്മിലുണ്ടായ പ്രശ്​നങ്ങളെ മുൻ നിർത്തി നിർബന്ധിത അവധി നൽകി ചുമതലയിൽ നിന്ന് നീക്കുകയായിരുന്നു. തുടർന്ന്​ 1986 ബാച്ചിൽ, ഒഡിഷ കേഡറിൽനിന്നുള്ള എം. നാഗേശ്വര റാവുവിനെ ഒക്ടോബർ 24ന് കേന്ദ്ര സർക്കാർ ഇടക്കാല ഡയറക്ടറായി നിയമിച്ചു. ഏറെ വൈകാതെ ഇടക്കാല ഡയറക്​ടർ സ്​ഥാനത്തു നിന്ന്​ നാഗേശ്വര റാവുവിന്​ സി.ബി.െഎ അഡീഷനൽ ഡയറക്ടർ തസ്തികയിലേക്ക് സ്ഥാനക്കയറ്റം നൽകുകയും ചെയ്​തു.

പൊലീസ്​ ഇൻസ്​പെക്​ടർ സുബോധ്​ കുമാറിന്‍റെ കൊലപാതകം
ഗോവധം ആരോപിച്ച് പൊലീസ്​ ഇൻസ്​പെക്​ടറെ കൊന്ന സംഭവം നടന്നത്​ ഉത്തർ പ്രദേശിലാണ്​. ബുലന്ദ്​ശഹറി​ലെ സ്യാന പൊലീസ്​ സ്​റ്റേഷൻ ഹൗസ്​ ഒാഫിസറായ സുബോധ്​കുമാർ ആണ്​ കൊല്ലപ്പെട്ടത്​. കേസിൽ മുഖ്യപ്രതിയായ ബജ്​റംഗ്​ദൾ നേതാവ്​ യോഗേഷ്​ രാജ് അറസ്​റ്റിലായിരുന്നു. ഉത്തര്‍പ്രദേശിലെ ബുലന്ദ്ശഹറില്‍ ‍25 കന്നുകാലികളുടെ അവശിഷ്ടങ്ങള്‍ കണ്ടെത്തിയെന്ന ആരോപണത്തെ തുടര്‍ന്നാണ് അക്രമണങ്ങള്‍ തുടങ്ങിയത്. ക​ല്ലേറിൽ ഗുരുതര പരിക്കേറ്റ സിങ്ങി​നു നേരെ അക്രമികൾ നിറ​െയാഴിക്കുകയായിരുന്നു. കലാപവും കൊലപാതകവും ആസൂത്രിതമാണെന്ന് ഡി.ജി.പി ഒ.പി സിങ് വ്യക്തമാക്കിയിരുന്നു. 2015ൽ ദാദ്രിയില്‍ ഗോ രക്ഷക ഗുണ്ടകൾ അഖ്‌ലാഖ് എന്നയാളെ തല്ലിക്കൊന്ന കേസിൽ പ്രതികൾക്കെതിരെ കർശന നടപടി സ്വീകരിച്ചതിൽ സുബോധ് സിങ്​ ഹിന്ദുത്വ സംഘടനകളുടെ കണ്ണിലെ കരടായിരുന്നു. വി.എച്ച്.പി നേതാവ് ഉപേന്ദ്ര യാദവ്, യുവമോർച്ച അംഗമായ ശിഖര്‍ അഗര്‍വാള്‍ തുടങ്ങി നാലു പേർ സംഭവത്തിൽ​ അറസ്​റ്റിലായിരുന്നു. ഗോരക്ഷക ഗുണ്ടകളുടെ അതിക്രമം അടിക്കടി ആവർത്തിക്കപ്പെടുേമ്പാൾ, പശുവിനാണ് മനുഷ്യജീവനെക്കാൾ വില. പശുവി​​​​​​​​​​​​​െൻറ പേരിൽ ദലിതനും ന്യൂനപക്ഷങ്ങളും ആൾക്കൂട്ട അതിക്രമത്തിന് ഇരയാവുന്നു.

ബാലികാ ബലാത്സംഗത്തിന്​ വധശിക്ഷ
12 വ​യ​സ്സി​ൽ താ​ഴെ​യു​ള്ള പെ​ൺ​കു​ട്ടി​ക​ളെ ബ​ലാ​ത്സം​ഗ​ത്തി​ന്​ ഇ​ര​യാ​ക്കു​ന്ന​വ​ർ​ക്ക്​ വ​ധ​ശി​ക്ഷ വ്യ​വ​സ്​​ഥ​ചെ​യ്യു​ന്ന സു​പ്ര​ധാ​ന ബി​ൽ ആഗസ്​റ്റ്​ ആറിന്​ രാജ്യസഭ പാസാക്കി. ജ​ൂലായ്​30ന്​ ലോക്സഭയും ബിൽ പാസാക്കിയിരുന്നു. ഏ​പ്രി​ൽ 21ന്​ ​ഇ​റ​ക്കി​യ ക്രി​മി​ന​ൽ നി​യ​മ ഭേ​ദ​ഗ​തി ഒാ​ർ​ഡി​ന​ൻ​സി​നു പ​ക​ര​മാ​ണ്​ ബി​ൽ. ജ​മ്മു-​ക​ശ്​​മീ​രി​ലെ ക​ഠ്​​വ​യി​ൽ പെ​ൺ​കു​ട്ടി​യെ കൂ​ട്ട​മാ​ന​ഭം​ഗ​​ത്തി​ന്​ ഇ​ര​യാ​ക്കി കൊ​ല​പ്പെ​ടു​ത്തി​യ ന​ടു​ക്കു​ന്ന സം​ഭ​വ​ത്തി​​​​​​​​​​​​​​​​​െൻറ പ​ശ്ചാ​ത്ത​ല​ത്തി​ലാ​യി​രു​ന്നു ​ഒാ​ർ​ഡി​ന​ൻ​സ്. 12ൽ ​താ​ഴെ​യു​ള്ള പെ​ൺ​കു​ട്ടി​ക​ളെ ബ​ലാ​ത്സം​ഗം ചെ​യ്യു​ന്ന​വ​ർ​ക്ക്​ വ​ധ​ശി​ക്ഷ വ്യ​വ​സ്​​ഥ​ചെ​യ്യു​ന്ന​തി​നു പു​റ​മെ, മ​റ്റു ബ​ലാ​ത്സം​ഗ കേ​സു​ക​ളി​ലും ശി​ക്ഷ ഉ​യ​ർ​ത്തി. ബ​ലാ​ത്സം​ഗ കേ​സ്​ പ്ര​തി​ക​ൾ​ക്ക്​ 10 വ​ർ​ഷം വ​രെ ക​ഠി​ന ത​ട​വ്​ ജീ​വ​പ​ര്യ​ന്ത​മാ​യി ദീ​ർ​ഘി​പ്പി​ക്കാ​നും വ്യ​വ​സ്​​ഥ​യു​ണ്ട്.

കമൽഹാസൻ രാഷ്​ട്രീയ പാർട്ടി പ്രഖ്യാപിച്ചു
‘മ​ക്ക​ൾ നീ​തി മ​യ്യം’ എ​ന്ന പേരിൽ ന​ട​ൻ ക​മ​ൽ​ഹാ​സ​​​​​​​​​​​​​​​െൻറ രാഷ്​ട്രീയ പാ​ർ​ട്ടി ഫെബ്രുവരി 21ന്​ നിലവിൽ വന്നു. തൂ​വെ​ള്ള​യി​ൽ ചു​വ​പ്പും വെ​ള്ള​യും നി​റ​ത്തി​ലു​ള്ള ആ​റ്​ കൈ​ക​ൾ കൂ​ട്ടി​പ്പി​ടി​ച്ച്​ മ​ധ്യ​ത്തി​ൽ ക​റു​ത്ത പ​ശ്ചാ​ത്ത​ല​ത്തി​ൽ വെ​ള്ള​ന​ക്ഷ​ത്രം ആ​ലേ​ഖ​നം ചെ​യ്​​ത​താ​ണ്​ പാർട്ടിയുടെ പ​താ​ക. ബി.​ജെ.​പി -അ​ണ്ണാ ഡി.​എം.​കെ നേ​താ​ക്ക​ളെ പൂർണമായും ത​ഴ​ഞ്ഞ കമൽഹാസൻ പാ​ർ​ട്ടി ​പ്ര​ഖ്യാ​പ​ന സ​മ്മേ​ള​ന​ത്തി​ലേ​ക്ക്​ വ​ർ​ഗീ​യ​ത​ക്കെ​തി​രെ ശ​ക്​​ത​മാ​യ നി​ല​പാ​ട്​ സ്വീ​ക​രി​ച്ച മു​ഖ്യ​മ​ന്ത്രി​മാ​രെ​യാ​യിരുന്നു​ ക്ഷ​ണി​ച്ചത്​.

ജമ്മു ക്​മീരിൽ ഗവർണർ ഭരണം
പി.ഡി.പി -ബി.ജെ.പി സഖ്യത്തിലുള്ള സർക്കാർ തകർന്ന ജമ്മു കശ്​മീരിൽ ഗവർണർ ഭരണം നിലവിൽ വന്നു. പി.ഡി.പിയുമായുള്ള സഖ്യത്തിൽ നിന്ന്​ ബി.ജെ.പി പിൻമാറുകയായിരുന്നു. തുടർന്ന്​ ജമ്മു കശ്​മീർ മുഖ്യമന്ത്രിയായിരുന്ന മെഹബൂബ മുഫ്​തി രാജി വെച്ചു. മൂന്നു വർഷം നീണ്ടു നിന്ന സഖ്യസർക്കാറിനാണ്​ ജൂൺ മാസത്തിൽ ബി.ജെ.പി പിൻമാറിയതോടെ അന്ത്യമായത്​. ഗവർണർ ഭരണം നിലവിൽ വരുമ്പോൾ എൻ.എൻ. വോറയായിരുന്നു ഗവർണർ. ഇപ്പോൾ സത്യപാൽ മാലികാണ്​ ജമ്മു കശ്​മീർ ഗവർണർ.