അഹമ്മദാബാദ്: ഇന്ത്യൻ സാമ്പത്തിക രംഗം 'വി' മാതൃകയിൽ തിരിച്ചുവരികയാണെന്നും ലോകം അദ്ഭുതത്തോടെ വീക്ഷിക്കുകയാണെന്നും അവകാശപ്പെട്ട് കേന്ദ്ര ആഭ്യന്തര മന്ത്രി അമിത് ഷാ രംഗത്ത്.ഗുജറാത്തിലെ ഷിലജിലുള്ള നാലുവരി ഓവർ ബ്രിഡ്ജ് ഉദ്ഘാടനച്ചടങ്ങിൽ വിഡിയോ കോൺഫറൻസിലൂടെ സംസാരിക്കവേയാണ് അമിത് ഷായുടെ പരാമർശം.
''ലോകത്തെല്ലാ രാജ്യങ്ങളുടെയും സാമ്പത്തിക വ്യവസ്ഥയെ കോവിഡ് പ്രതികൂലമായി ബാധിച്ചു. പക്ഷേ ലോകം ഇന്ത്യൻ സാമ്പത്തിക വ്യവസ്ഥ 'വി' മാതൃകയിൽ തിരിച്ചുവരുന്നത് കണ്ട് അദ്ഭുതത്തോടെ വീക്ഷിക്കുകയാണ്'' -അമിത് ഷാ പറഞ്ഞു.
രാജ്യത്തിന്‍റെ സാമ്പത്തിക വ്യവസ്ഥ നെഗറ്റീവ് വളർച്ച രേഖപ്പെടുത്തുകയും ചരിത്രത്തിൽ സമാനതകളില്ലാത്ത വിധം വെല്ലുവിളികൾ നേരിടുകയും ചെയ്യുന്ന സന്ദർഭത്തിലാണ് അമിത് ഷായുടെ പ്രതികരണമെന്നത് ശ്രദ്ധേയമാണ്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.