കാശി ക്ഷേത്രത്തിൽ പൊലീസിനെ കാവിയുടുപ്പിച്ച്​ യു.പി സർക്കാർ

ന്യൂ​ഡ​ൽ​ഹി: വാ​രാ​ണ​സി​യി​ലെ കാ​ശി വി​ശ്വ​നാ​ഥ ക്ഷേ​ത്ര​ത്തി​ൽ സു​ര​ക്ഷ​ക്ക്​ നി​യോ​ഗി​ച്ച പു​രു​ഷ, വ​നി​ത പൊ​ലീ​സു​കാ​രെ യൂ​നി​ഫോ​മി​നു പ​ക​രം കാ​വി​യു​ടു​പ്പി​ച്ച്​ യു.​പി സ​ർ​ക്കാ​ർ. ന​ട​പ​ടി​യി​ൽ വ്യാ​പ​ക പ്ര​തി​ഷേ​ധം.

പൂ​ജാ​രി​മാ​രെ​പ്പോ​ലെ കാ​വി​യു​ടു​ത്ത്​ രു​ദ്രാ​ക്ഷ മാ​ല​യി​ട്ട പൊ​ലീ​സു​കാ​ർ തീ​ർ​ഥാ​ട​ക​രെ ക്ഷേ​ത്ര​ത്തി​ൽ നി​യ​ന്ത്രി​ക്കു​ന്ന​തി​ന്‍റെ വി​ഡി​യോ ദൃ​ശ്യ​ങ്ങ​ൾ പ്ര​ധാ​ന പ്ര​തി​പ​ക്ഷ​മാ​യ സ​മാ​ജ്​​വാ​ദി പാ​ർ​ട്ടി പു​റ​ത്തു​വി​ട്ടു. യൂ​നി​ഫോ​മി​ല്ലാ​തെ പൊ​ലീ​സു​കാ​രെ നി​യോ​ഗി​ക്കു​ന്ന​തു വ​ഴി വ​ലി​യ സു​ര​ക്ഷാ വി​ഷ​യം ത​ന്നെ സ​ർ​ക്കാ​ർ സൃ​ഷ്ടി​ച്ചി​രി​ക്കു​ക​യാ​ണെ​ന്ന്​ പാ​ർ​ട്ടി നേ​താ​വ്​ അ​ഖി​ലേ​ഷ്​ യാ​ദ​വ്​ ചൂ​ണ്ടി​ക്കാ​ട്ടി. കാ​വി വേ​ഷ​ത്തി​ൽ പൊ​ലീ​സ്​ ഡ്യൂ​ട്ടി ചെ​യ്യു​ന്നു​വെ​ന്ന വ്യാ​ജേ​ന ആ​ർ​ക്കും പ്ര​വ​ർ​ത്തി​ക്കാ​മെ​ന്ന സ്ഥി​തി വ​രും.

തീ​ർ​ഥാ​ട​ക​ർ കൊ​ള്ള​യ​ടി​ക്ക​പ്പെ​ട്ടാ​ൽ സ​ർ​ക്കാ​ർ ഉ​ത്ത​രം പ​റ​യു​മോ? ഏ​തു ​പൊ​ലീ​സ്​ മാ​ന്വ​ൽ പ്ര​കാ​ര​മാ​ണ്​ പൊ​ലീ​സു​കാ​രെ പു​രോ​ഹി​ത വേ​ഷം അ​ണി​യി​ച്ച​ത്​? അ​പ​ല​പ​നീ​യ​മാ​ണി​ത് -അ​ഖി​ലേ​ഷ്​ പ​റ​ഞ്ഞു. എ​ന്നാ​ൽ, തീ​ർ​ഥാ​ട​ക​രു​ടെ ക്ഷേ​മം മു​ൻ​നി​ർ​ത്തി​യാ​ണ്​ പു​രു​ഷ പൊ​ലീ​സു​കാ​രെ ദോ​ത്തി​യും കു​ർ​ത്ത​യും വ​നി​ത പൊ​ലീ​സു​കാ​രെ സ​ൽ​വാ​റും കു​ർ​ത്ത​യു​മാ​യി ക്ഷേ​ത്ര​ത്തി​ൽ നി​യോ​ഗി​ച്ച​തെ​ന്ന്​ വാ​രാ​ണ​സി പൊ​ലീ​സ്​ ക​മീ​ഷ​ണ​ർ മോ​ഹി​ത്​ അ​ഗ​ർ​വാ​ൾ വാ​ദി​ച്ചു.

മ​റ്റു സ്ഥ​ല​ങ്ങ​ളി​ൽ നി​യോ​ഗി​ക്കു​ന്ന പൊ​ലീ​സു​കാ​രി​ൽ നി​ന്ന്​ ഭി​ന്ന​മാ​ണ്​ ക്ഷേ​ത്ര​ത്തി​ലെ പൊ​ലീ​സു​കാ​രു​ടെ ഡ്യൂ​ട്ടി. ക്ര​മ​സ​മാ​ധാ​ന പ്ര​ശ്നം ഉ​ണ്ടാ​ക്കു​ന്ന ആ​ൾ​ക്കൂ​ട്ട​മ​ല്ല ക്ഷേ​ത്ര​ത്തി​ലു​ള്ള​ത്. അ​നാ​യാ​സ ക്ഷേ​ത്ര ദ​ർ​ശ​നം ഉ​റ​പ്പു വ​രു​ത്താ​നും തീ​ർ​ഥാ​ട​ക​ർ​ക്ക്​ വ​ഴി​കാ​ട്ടാ​നു​മാ​ണ്​ ഇ​വി​ടെ പൊ​ലീ​സി​നെ നി​യോ​ഗി​ക്കു​ന്ന​ത്. പൊ​ലീ​സു​കാ​ർ ത​ള്ളു​ക​യോ മ​റ്റോ ചെ​യ്താ​ൽ തീ​ർ​ഥാ​ട​ക​ർ രോ​ഷം കൊ​ള്ളും. എ​ന്നാ​ൽ, പു​രോ​ഹി​ത വേ​ഷ​ത്തി​ലു​ള്ള​വ​ർ അ​തു ചെ​യ്താ​ൽ തീ​ർ​ഥാ​ട​ക​ർ ക്ഷ​മി​ക്കും -ക​മീ​ഷ​ണ​ർ പ​റ​യു​ന്നു.