മ​ണി​പ്പൂ​രി​ൽ അ​ജ്ഞാ​ത​ർ സർക്കാർ ആശുപത്രി ക​ത്തി​ച്ചു

ഇം​ഫാ​ൽ/​ഷി​ല്ലോ​ങ്: വം​ശീ​യ സം​ഘ​ർ​ഷം നി​ല​നി​ൽ​ക്കു​ന്ന മ​ണി​പ്പൂ​രി​ൽ അ​ജ്ഞാ​ത​ർ സർക്കാർ ആശുപത്രി ക​ത്തി​ച്ചു. ജി​രി​ബം ജി​ല്ല​യി​ൽ ബോ​റോ​ബെ​ക്ര മേ​ഖ​ല​യി​ൽ വ്യാ​ഴാ​ഴ്ച രാ​വി​ലെ​ പൊ​ലീ​സ് ഔ​ട്ട്പോ​സ്റ്റി​ന് സ​മീ​പ​മു​ള്ള പ്രാ​ഥ​മി​ക ആ​രോ​ഗ്യ​കേ​ന്ദ്ര​മാണ് കത്തിച്ചത്. ഇവിടെ ആ​രു​മി​ല്ലാ​യി​രു​ന്നു. സു​ര​ക്ഷ​സേ​ന ഉ​ട​ൻ സ്ഥ​ല​ത്തെ​ത്തി.

ജി​രി​ബം ജി​ല്ല​യി​ൽ ഈ ​മാ​സം ഏ​ഴി​ന് ന​ട​ന്ന അ​ക്ര​മ​ത്തി​ൽ അ​ഞ്ചു​പേ​ർ കൊ​ല്ല​പ്പെ​ട്ടി​രു​ന്നു. വം​ശീ​യ​ക​ലാ​പം പ​ട​രാ​തി​രു​ന്ന ജി​രി​ബം ജി​ല്ല​യി​ൽ ജൂ​ണി​ൽ 59കാ​ര​ൻ കൊ​ല്ല​പ്പെ​ട്ട​തി​ന് പി​ന്നാ​ലെ​യാ​ണ് സം​ഘ​ർ​ഷം തു​ട​ങ്ങി​യ​ത്. ക​ഴി​ഞ്ഞ​വ​ർ​ഷം മേ​യി​ൽ മെ​യ്തി- കു​ക്കി വി​ഭാ​ഗ​ക്കാ​ർ ത​മ്മി​ൽ തു​ട​ങ്ങി​യ സം​ഘ​ർ​ഷ​ത്തി​ൽ ഇ​തു​വ​രെ 200ലേ​റെ പേ​ർ കൊ​ല്ല​പ്പെ​ട്ടി​ട്ടു​ണ്ട്.

അ​തേ​സ​മ​യം, മ​ണി​പ്പൂ​രി​ലെ വം​ശീ​യ സം​ഘ​ർ​ഷം അ​വ​സാ​നി​പ്പി​ക്കാ​ൻ പ്ര​ധാ​ന​മ​ന്ത്രി ന​രേ​ന്ദ്ര മോ​ദി ഇ​ട​പെ​ട​ണ​മെ​ന്ന് നോ​ർ​ത്ത് ഈ​സ്റ്റ് സ്റ്റു​ഡ​ൻ​സ് യൂ​നി​യ​ൻ (എ​ൻ.​ഇ.​എ​സ്.​ഒ) ആ​വ​ശ്യ​പ്പെ​ട്ടു.

സം​ഘ​ർ​ഷം അ​വ​സാ​നി​പ്പി​ക്കു​ന്ന​തി​ൽ പ​രാ​ജ​യ​പ്പെ​ടു​ന്ന​ത് മ​ണി​പ്പൂ​രി​ന്റെ സു​സ്ഥി​ര​ത​യെ തു​ര​ങ്കം​വെ​ക്കു​ന്നു​വെ​ന്ന് മാ​ത്ര​മ​ല്ല വ​ട​ക്കു​കി​ഴ​ക്ക​ൻ മേ​ഖ​ല​യി​ലെ സ​മാ​ധാ​ന​ത്തി​നും സു​ര​ക്ഷ​ക്കും ഭീ​ഷ​ണി​യു​മാ​ണ്. സം​ഘ​ർ​ഷം തു​ട​ങ്ങി​യ​ശേ​ഷം മ​ണി​പ്പൂ​ർ സ​ന്ദ​ർ​ശി​ക്കാ​തി​രു​ന്ന പ്ര​ധാ​ന​മ​ന്ത്രി​യു​ടെ ദീ​ർ​ഘ​കാ​ല മൗ​നം അ​ക്ര​മം വ​ർ​ധി​ക്കാ​ൻ ഇ​ട​യാ​ക്കി​യെ​ന്ന് സം​ഘ​ട​ന​യു​ടെ ചെ​യ​ർ​മാ​ൻ സാ​മു​വ​ൽ ജി​ർ​വ പ​റ​ഞ്ഞു.

മ​ണി​പ്പൂ​ർ ജ​ന​ത സ​മാ​ധാ​നം അ​ർ​ഹി​ക്കു​ന്നു​ണ്ട്. പ​ര​സ്പ​ര ധാ​ര​ണ​യി​ലൂ​ടെ​യും അ​ഹിം​സ​യി​ലൂ​ടെ​യും മാ​ത്ര​മേ ഇ​ത് സാ​ധ്യ​മാ​വു​ക​യു​ള്ളൂ​വെ​ന്ന് അ​ദ്ദേ​ഹം കൂ​ട്ടി​ച്ചേ​ർ​ത്തു.

വ​ട​ക്കു​കി​ഴ​ക്ക​ൻ മേ​ഖ​ല​യി​ലെ വി​ദ്യാ​ർ​ഥി സം​ഘ​ട​ന​ക​ളു​ടെ കൂ​ട്ട​യ്മ​യാ​ണ് നോ​ർ​ത്ത് ഈ​സ്റ്റ് സ്റ്റു​ഡ​ൻ​സ് യൂ​നി​യ​ൻ.