യു​ക്രെയ്ൻ പ്രദേശങ്ങൾ കൂട്ടിച്ചേർത്ത റഷ്യൻ നടപടിക്കെതിരെ യു.എൻ പൊതുസഭ; ഇന്ത്യ വിട്ടുനിന്നു

യു​നൈ​റ്റ​ഡ് നേ​ഷ​ൻ​സ്: യു​​ക്രെ​യ്നി​ൽ റ​ഷ്യ ന​ട​ത്തി​യ അ​ന​ധി​കൃ​ത റ​ഫ​റ​ണ്ട​ത്തി​നും യു​ക്ര​യ്നി​ന്റെ ഭാ​ഗ​ങ്ങ​ൾ കൂ​ട്ടി​ച്ചേ​ർ​ക്കാ​നു​ള്ള ശ്ര​മ​ത്തി​നു​മെ​തി​രെ യു.​എ​ൻ പൊ​തു​സ​ഭ​യി​ൽ അ​വ​ത​രി​പ്പി​ച്ച പ്ര​മേ​യ​ത്തി​ന്റെ വോ​ട്ടെ​ടു​പ്പി​ൽ​നി​ന്ന് ഇ​ന്ത്യ വി​ട്ടു​നി​ന്നു. റ​ഷ്യ​യു​ടെ നി​യ​മ​വി​രു​ദ്ധ റ​ഫ​റ​ണ്ട​ങ്ങ​ളെ​യും യു​ക്രെ​യ്നി​ലെ ഡൊ​ണെ​റ്റ്സ്ക്, ഖേ​ഴ്സ​ൺ, ലു​ഹാ​ൻ​സ്ക്, സ​പൊ​റി​ഷ്യ പ്ര​ദേ​ശ​ങ്ങ​ൾ അ​ന​ധി​കൃ​ത​മാ​യി പി​ടി​ച്ചെ​ടു​ക്കാ​നു​ള്ള ശ്ര​മ​ത്തെ​യും ​പൊ​തു​സ​ഭ അ​പ​ല​പി​ച്ചു.

193 അം​ഗ യു.​എ​ൻ. പൊ​തു​സ​ഭ​യി​ൽ 143 രാ​ജ്യ​ങ്ങ​ൾ അ​നു​കൂ​ലി​ച്ച് വോ​ട്ട് ചെ​യ്ത​പ്പോ​ൾ റ​ഷ്യ, ബെ​ല​റൂ​സ്, ഉ​ത്ത​ര കൊ​റി​യ, സി​റി​യ, നി​ക​രാ​ഗ്വ എ​ന്നീ രാ​ജ്യ​ങ്ങ​ൾ എ​തി​ർ​ത്തു. ഇ​ന്ത്യ, ചൈ​ന, ക്യൂ​ബ, പാ​കി​സ്താ​ൻ, ദ​ക്ഷി​ണാ​ഫ്രി​ക്ക, ശ്രീ​ല​ങ്ക, താ​യ്‌​ല​ൻ​ഡ്, വി​യ​റ്റ്‌​നാം അ​ട​ക്കം 35 രാ​ജ്യ​ങ്ങ​ൾ വോ​ട്ടെ​ടു​പ്പി​ൽ നി​ന്ന് വി​ട്ടു​നി​ന്നു.

ശ​ത്രു​ത അ​വ​സാ​നി​പ്പി​ച്ച് സം​ഭാ​ഷ​ണ​ത്തി​ന്റെ​യും ന​യ​ത​ന്ത്ര​ത്തി​ന്റെ​യും പാ​ത​യി​ലേ​ക്ക് മ​ട​ങ്ങി​വ​ര​ണ​മെ​ന്ന നി​ല​പാ​ടാ​ണ് ഇ​ന്ത്യ എ​പ്പോ​ഴും സ്വീ​ക​രി​ക്കു​ന്ന​തെ​ന്നും ഇ​തി​നാ​യു​ള്ള എ​ല്ലാ ശ്ര​മ​ങ്ങ​ൾ​ക്കും പി​ന്തു​ണ ന​ൽ​കു​മെ​ന്നും യു.​എ​ന്നി​ലെ ഇ​ന്ത്യ​യു​ടെ സ്ഥി​രം പ്ര​തി​നി​ധി രു​ചി​ര കം​ബോ​ജ് പ​റ​ഞ്ഞു. റ​ഷ്യ​ൻ റ​ഫ​റ​ണ്ട​ത്തെ അ​പ​ല​പി​ച്ച് ക​ഴി​ഞ്ഞ മാ​സം, യു.​എ​ൻ ര​ക്ഷാ​സ​മി​തി​യി​ൽ അവ​ത​രി​പ്പി​ച്ച പ്ര​മേ​യം റ​ഷ്യ വീ​റ്റോ ചെ​യ്ത​ിരു​ന്നു.