2020ൽ ബിഹാർ നിയമസഭ തെരഞ്ഞെടുപ്പിന് മുമ്പ് പുഷ്പം പ്രിയയെന്ന മുൻ ജെ.ഡി.യു എം.എൽ.എയുടെ മകൾ വാർത്തകളിൽ ഇടംപിടിച്ചത് മുഖ്യമന്ത്രി നിതീഷ് കുമാറിനെതിരായ മത്സരത്തിലുടെയായിരുന്നു. തെരഞ്ഞെടുപ്പ് ഗോദയിൽ നിതീഷിന്റെ തന്ത്രങ്ങളെ അവർക്ക് തോൽപ്പിക്കാനായില്ലെങ്കിലും വോട്ടെണ്ണലിന് പിന്നാലെ പുഷ്പം ഒരു ശപഥമെടുത്തു. മുഖ്യമന്ത്രി സ്ഥാനത്ത് നിന്ന് നിതീഷിനെ മാറ്റാതെ ഇനി മാസ്കഴിക്കില്ലെന്നായിരുന്നു അവരുടെ ശപഥം. ബിഹാറിൽ വീണ്ടും യുടേണടിച്ച് നിതീഷ് കുമാർ എൻ.ഡി.എയിൽ എത്തിയതിന് പിന്നാലെ പുഷ്പത്തിന്റേയും പ്രതികരണം പുറത്ത് വന്നിരിക്കുകയാണ്.
ഇത് നിതീഷ് കുമാറിന്റെ മുഖ്യമന്ത്രിയായുള്ള അവസാനത്തെ ഇന്നിങ്സാണ്. അദ്ദേഹത്തിന്റെ പെരുമാറ്റവും പ്രസ്താവനകളും കൊണ്ട് ബിഹാർ ജനത നിതീഷ് കുമാറിന് ഒരവസരം കൂടി നൽകില്ല. സ്ഥാനമൊഴിയുമ്പോൾ സംസ്ഥാനത്തിന്റെ നേട്ടത്തിനായി അദ്ദേഹം എന്തെങ്കിലുമൊന്ന് ചെയ്യുമെന്ന് പ്രതീക്ഷിക്കുകയാണെന്നും പുഷ്പം പ്രിയ പറഞ്ഞു.
പുഷ്പം പ്രിയയുടെ പിതാവും മുൻ ജെ.ഡി.യു എം.എൽ.സിയുമായിരുന വിനോദ് ചൗധരി 2023 ജൂലൈയിലാണ് അന്തരിച്ചത്. നിതീഷ് കുമാറിന്റെ നല്ല ബന്ധം സൂക്ഷിച്ചിരുന്നയാളായിരുന്നു വിനോദ് ചൗധരി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.