‘മോദി പറയുന്നത്​ ചെയ്യാറില്ലെന്ന കാര്യം ഒാർമിപ്പിച്ചതിന്​ നന്ദി’-ജെയ്​റ്റ്​ലിയെ പരിഹസിച്ച്​ രാഹുൽ ഗാന്ധി

ന്യൂ​ഡ​ൽ​ഹി: മു​ൻ​പ്ര​ധാ​ന​മ​ന്ത്രി മ​ൻ​മോ​ഹ​ൻ സി​ങ്ങി​നെയ​​ും മു​ൻ ഉ​പ​രാ​ഷ്​​ട്ര​പ​തി ഹാ​മി​ദ്​ അ​ൻ​സാ​രി​യെയും അപമാനിക്കാൻ ​ശ്രമിച്ചിട്ടില്ലെന്ന അരുൺ ജെയ്​റ്റ്​ലിയുടെ പ്രസ്​താവനയെ പരിഹസിച്ച്​ കോൺഗ്രസ്​ അധ്യക്ഷൻ രാഹുൽ ഗാന്ധി. ​​പ്രധാനമന്ത്രി നരേന്ദ്രമോദി പറയാൻ ഉദ്ദേശിക്കുന്നതല്ല ചെയ്യുകയോ ചെയ്യാൻ ഉദ്ദേശിക്കുന്നത്​ പറയുകയോ ഇല്ലെന്ന്​  ഇന്ത്യയെ ഒാർമിപ്പിച്ചതിന്​ ജെയ്​റ്റ്​ലിക്ക്​ നന്ദി പറയുന്നുവെന്ന്​ രാഹുൽ ട്വിറ്ററിൽ കുറിച്ചു. 

മ​ൻ​മോ​ഹ​ൻ സി​ങ്ങി​െ​ൻ​യും ഹാ​മി​ദ്​ അ​ൻ​സാ​രി​യു​ടെ​യും രാ​ജ്യ​ത്തോ​ടു​ള്ള പ്ര​തി​ബ​ദ്ധ​ത പ്ര​ധാ​ന​മ​ന്ത്രി ന​രേ​ന്ദ്ര മോ​ദി ചോ​ദ്യം ചെ​യ്തി​ട്ടി​ല്ലെ​ന്നും അ​ങ്ങ​നെ ഉ​ദ്ദേ​ശി​ച്ചി​ട്ടി​ല്ലെ​ന്നും കേ​ന്ദ്ര​മ​ന്ത്രി അ​രു​ൺ ജെ​യ്​​റ്റ്​​ലി കഴിഞ്ഞ ദിവസം രാ​ജ്യ​സ​ഭ​യി​ൽ പ്ര​സ്​​താ​വി​ച്ചിരുന്നു. ഇതിനെതിരെയാണ്​ രാഹുലി​​​​​െൻറ പരിഹാസം.  ഗുറാ​ത്ത്​ തെ​ര​ഞ്ഞെ​ടു​പ്പ്​ പ്ര​ചാ​ര​ണ​ത്തി​നി​ടെ പ്ര​ധാ​ന​മ​ന്ത്രി ന​ട​ത്തി​യ പാ​ക്​ ബ​ന്ധ ആ​രോ​പ​ണ​ത്തി​​​​​​െൻറ വിഡിയോയും രാഹുൽ ട്വിറ്ററിൽ പോസ്​റ്റ്​ ചെയ്​തിട്ടുണ്ട്​.

ബി.ജെ.പി കള്ളം പറയുന്നുവെന്ന ഹാഷ്​ ടാഗും രാഹുൽ ട്വീറ്റിൽ ഉൾപ്പെടുത്തിയിരിക്കുന്നു. ജെയ്​റ്റ്​ലിയെ ‘​പ്രിയപ്പെട്ട മിസ്​റ്റർ ജെയ്​റ്റ്​​ ലൈ ’ എന്നാണ്​ അദ്ദേഹം അഭിസംബോധന ചെയ്​തിരിക്കുന്നത്​. ‘‘പ്രിയപ്പെട്ട മിസ്​റ്റർ ജെയ്​റ്റ്​​ ലൈ- നമ്മുടെ പ്രധാനമന്ത്രി ദ്ദേശിക്കുന്നതല്ല പറയുന്നതെന്നും പറയുന്നതല്ല ഉദ്ദേശിക്കുന്നതെന്നും ഇന്ത്യയെ ഓര്‍മ്മിപ്പിച്ചതിന് നന്ദി’’- എന്നാണ്​ രാഹുലി​​​​​െൻറ ട്വീറ്റ്​. 

‘പ്ര​സം​ഗ​ത്തി​ൽ പ്ര​ധാ​ന​മ​ന്ത്രി ഇൗ ​രാ​ജ്യ​ത്തോ​ടു​ള്ള മു​ൻ പ്ര​ധാ​ന​മ​ന്ത്രി മ​ൻ​മോ​ഹ​ൻ സി​ങ്ങി​​​​​​െൻറ​യോ മു​ൻ ഉ​പ​രാ​ഷ്​​ട്ര​പ​തി ഹാ​മി​ദ്​ അ​ൻ​സാ​രി​യു​ടെ​യോ പ്ര​തി​ബ​ദ്ധ​ത​യെ ചോ​ദ്യം​ചെ​യ്യു​ക​​യോ അ​തി​ന്​ ഉ​ദ്ദേ​ശി​ക്കു​ക​യോ ഉ​ണ്ടാ​യി​ട്ടി​ല്ല. അ​ങ്ങ​നെ ക​രു​തു​ന്ന​ത്​ തെ​റ്റാ​ണ്. ഇൗ ​നേ​താ​ക്ക​ളെ ഞ​ങ്ങ​ൾ വ​ലി​യ തോ​തി​ൽ വി​ല​മ​തി​ക്കു​ന്നു’- എന്നാണ്​ ജെ​യ്​​റ്റ്​​ലി പാർലമ​​​​െൻറിൽ അറിയിച്ചത്​. 

​െജയ്​റ്റ്​ലിയുടെ പ്ര​സ്​​താ​വ​ന​യി​ൽ തൃ​പ്​​തി പ്ര​ക​ടി​പ്പി​ച്ച പ്ര​തി​പ​ക്ഷ നേ​താ​വ്​ ഗു​ലാം ന​ബി ആ​സാ​ദ്, പ്ര​ധാ​ന​മ​ന്ത്രി​യു​ടെ അ​ന്ത​സ്സ്​​ കെ​ടു​ത്തു​ന്ന രീ​തി​യി​ൽ ഏ​തെ​ങ്കി​ലും നേ​താ​വ്​ ന​ട​ത്തി​യ പ്ര​സ്​​താ​വ​ന​യി​ൽ​ നി​ന്ന്​ ത​ങ്ങ​ൾ അ​ക​ലം പാ​ലി​ക്കു​ന്നു​വെ​ന്നും വി​ശ​ദീ​ക​രി​ച്ചു. ഇ​തോ​ടെ ഇൗ വിഷയത്തിൽ സ​മ​വാ​യ​ത്തി​ലെത്തുകയാണ്​ ഉണ്ടായത്​.